Louka 1:13 - O Debleskro Lab 2024 (Sinte-Manouche)

¹³ Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

O Debleskro Drom 2021 (Sinte)

¹³ Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Louka 1:13 Iomraidhean Croise

1. Mose 17:10

Kava hounte krenn t'mer, tou oun tire čave, kay pal toute venna: Činenn hake morshen pash t'mende ap lengro mass.

1. Mose 17:19

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

1. Mose 18:14

Dell či, hoy o baro Devel gar hayvella. Vavar bersh an kava tsiro, vau me pale pash toute. Koy hi lat i čavo.”

1. Mose 25:21

Yoy nay las kek čave. Oun o Isaak mangas o baro Deblestar peskri romyake. Oun o baro Devel shounas ap o Isaak. Oun i Rebekka, leskri romni, vas an vavar koova.

Debleskri gili 113:9

Kolat, kay kek čave nay las, hadell lo, te vell li i barhteli day. Sharedo vell o baro Devel!

Debleskri gili 118:21

Me parkrau man pash toute, te shounal tou man, oun val ap miri rig.

Jesaja 8:3

Oun me djom pash miri romyate dren. Yoy his i Debleskri rakepaskretsa. Oun yoy vas vavarčandes oun anas i morsh čaves ap i phoub. Oun o baro Devel penas ap mande: “De les o lab Sik-randedo oun sik-čoredo!

Daniel 10:12

Oun yob penas ap mande: “Daniel, ma dare! O Devel shounas tire laba foun o ersto dives an, har kamal tiro tselo djiyeha o dikepen te hayvell, oun tout tiknes kral glan tiro Debleste. Oun kol labenge, hoy tou rakral, vom me.

Hosea 1:4

Oun o baro Devel penas ap leste: De les ko lab Yesreel! An i tikno tsiro anau ap o rayeskro kheer koy doosh pale, hoy o baro ray, o Yehou, ap peste anas, har maras lo boud mire menshendar an i tala Yesreel. Oun krau, te hi o themes Israel bouder kek ray.

Hosea 1:6

Oun i Gomer vas o douyto kopo vavarčandes, oun anas i čay ap i phoub. Kote penas o Devel ap leste: De lat ko lab Lo-Ruhama! Man hi bouder kek dji i menshenge dran o kheer Israel, oun bistrau lengri doosh bouder gar.

Mateo 1:21

Oun yoy lella i čaves. Tou deh les o lab Yezous. Yob lella i doosh peskre menshendar ap peste.

Mateo 14:27

Koy penas lo sik ap lende: “Ma darenn! Me hom. Lauter hi mishto!”

Mateo 28:5

Oun o bolepaskro penas ap kol djouvyende: “Ma darenn! Me djinau, te rodenn t'mer o Yezouses, kay ap o troushel dino vas.

Markus 16:6

Yob penas ap lende: “Ma trashenn! T'mer rodenn o Yezouses dran Nazaret, kay vas ap o troushel dino. Yob stas i moulendar pre. Yob hi gar kate. Dikenn kote, kay yob čiddo his.

Louka 1:14

Oun tiro dji stella i barhtyatar. Oun boud menshe venna barhteles pral ko ternepen.

Louka 1:30

Oun o bolepaskro penas ap late: “Ma traash, Maria! O Devel hi touke lačo.

Louka 2:21

Har orhta divessa trouyel his, oun o ternepen ap o mass činlo vas, dan le les o lab Yezous. Kava lab penas o bolepaskro i Mariake, har yoy gomme gar an vavar koova his.

Bičepangre 10:31

Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.

Čačepangre 6:23

Kote penas o baro Devel ap leste: “Mank mende hi lauter mishto. Ma dare, tou hounte meress gar.”

1. Samuel 2:21

Oun o baro Devel dikas lačes ap i Hanna, oun yoy vas vavarčandes, oun las gomme triin morsh čave, oun douy ča. Oun o Samuel ačas pash o baro Debleste oun vas an leskro kheer bares.