Kolossarja 4:5 - O Debleskro Lab 2024 (Sinte-Manouche)

⁵ Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

O Debleskro Drom 2021 (Sinte)

⁵ Djiwenn tumaro djipen jaake, te dikenn i wawar, kai tumer patsle han! Rodenn i drom, te rakrenn lentsa pral o Debleste!

Kolossarja 4:5 Iomraidhean Croise

Debleskri gili 90:12

Sike men, har sik maro djipen trouyel hi, te vas mer gosevo.

Daniel 2:8

Oun o baro ray penas: “Čačepah, me dikau, t'mer rakrenn yaake, te vell t'men boudeder tsiro. T'mer djinenn, kova hoy me penom, krau ninna t'mentsa.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Markus 4:11

Koy penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kol vavar, kay vin hi, ap kolende rakrau save labentsa, kay i khatedo čačepen dren hi,

Remarja 16:19

Boud menshe shounan, kay t'mer ap o Debleste patsenn oun ap leste shounenn. Doleske hom me barhtelo pral t'mende. Oun me kamau o tselo djiyestar, te hayvenn t'mer boud oun boudeder, hoy lačo hi, oun te krenn kek čilačo koova.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

1. Tessalonikarja 4:12

Palle hounte lenn t'mer či kolendar, kay hi gar patslo. Oun yon rakrenn nay gar čilačes pral t'mende.

1. Timoteo 3:7

I phoureder hounte vell yek, pral koleste ninna kol menshe, kay gar patslo hi, mishto rakrenna. Yaake hounte ladjell lo pes gar, oun perell gar an o bengeskro vast.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Jakobo 3:13

Koon gosevo hi mank t'mende oun djinell boud, kova hounte sikrell dran peskro lačo djipen, kay hayvas lo, hoy mishto oun čačo hi. Oun yob sharell pes gar pral ko lačo koova, hoy yob kras.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

1. Petro 3:1

T'mer djouvya, ma hadenn t'men pral t'mare romende, ninna te shounenn yon gar ap o Debleskro lab! Yaake dikenn yon, har t'mer i djoudjo djipen djivenna, oun ap o Debleste shounenna. Oun t'maro djipen sikrell len o čačo drom pash o Debleste, ninna te krenn t'mer kek bare laba.