Kolossarja 2:8 - O Debleskro Lab 2024 (Sinte-Manouche)

⁸ Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

O Debleskro Drom 2021 (Sinte)

⁸ Denn jak, te shunenn ap kekeste, kai kamell te taprell tumen shukar labentsa, hoi wenna dran i menshengro goswepen. Kowa hi chochepen un tchi moldo! Kol laba hi menshengro rakepen, hoi i phure ap i tchawende dureder penan un wella i phubjatar, un gar o Jesus Kristestar.

Kolossarja 2:8 Iomraidhean Croise

Kamlepaskri gili 2:15

Taprenn menge i divye djoukle, kol tikne divye djoukle, hoy krenn o molyengro them paash! Mare drakengre rouka hidjrenn knospe.

Jeremia 29:8

O baro Devel, ko ray pral o bolepen oun i phoub, kay o Israeleskro Devel hi, kova penell: Ma moukenn t'men te rhorhell kolendar, kay penenn glan-vi, hoy vella: kol rakepangre, kay pash t'mende hi, oun kol dourkepangre. Ma shounenn ap lengre sounya!

Mateo 10:17

Denn yak, hoy i menshe t'mentsa krenna! Yon anenn t'men glan i čačepangre, oun moukenn t'men an lengre kangria i čoupniyah dava te dell.

Mateo 16:6

Oun o Yezous penas ap lende: “Denn yak! O shoutlo yarro hi gar mishto, hoy vell i Farisarendar oun i Sadducarendar!”

Mateo 7:15

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

Remarja 16:17

Mire phrala, me mangau t'men, denn yak, te shounenn t'mer gar ap kolende, kay anenn čingepen mank i patslende oun sikrenn o Debleskro drom vavarčandes har kova, hoy t'mende siklo vas, oun krenn t'maro patsepen paash! Rikrenn t'men lendar pale!

1. Korintarja 10:12

Doleske, koon penella, kay yob zoreles an o patsepen hi, dell yak, te perell lo gar.

1. Korintarja 8:9

Kova hi t'maro koova, hoy t'mer krenna. Ninna te hi kova yaake, denn yak ap kolende, kay gomme gar zoreles an o patsepen hi, te perenn yon gar o Debleskro dromestar tele!

2. Korintarja 10:5

Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash.

Galatarja 1:14

Me rikrom man ap o biboldengro patsepen feteder har boud vavar bibolde, kay yaake phouro his har me. Miri tseli zoryah kamom kova te krell, hoy mare phoure penan.

Galatarja 4:3

Yaake djas menge kova ninna. An ko tsiro, har gomme gar patslo hams, hams har tikne čave oun hams tel i zoor kolendar tardo, kay hi i raya pral kay phoub, oun hams ap lende pandlo.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

Galatarja 5:15

Te dandrenn t'mer t'men har midjak djoukle, denn yak, te rhal yek kol vavares gar pre!

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Efesarja 4:20

Savo koova kras o Yezous Kristo gar. Na-a!

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

5. Mose 6:12

palle de yak, te bistress gar o baro Debles, kay anas tout vin dran o pandepen dran o them Egiptia.

Filiparja 3:2

Denn garda, te shounenn gar ap kolende, kay hi čilače boudepangre oun djoukle. Yon kamenna, te moukenn t'men ap t'maro mass te činell, oun penenn: “Kova hounte krenn, te nay venn t'mer o Debleskre menshe!”

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

Kolossarja 2:20

T'mer meran o Yezous Kristeha. Doleske hi i phoubyakro koova bouder gar o ray pral t'mende. Hoske rikrenn t'men gomme ap kol menshengre laba, kay penenn t'menge:

Kolossarja 2:22

Me penau: Ko koova hi rhapaske oun ačell gar. Kol laba hi menshengre laba.

Kolossarja 2:23

Ninna te vals yaake, har te vans kol laba goseve laba, hi le či moldo. Kol menshe marenn pen tele o Debleske, yaake har yon kamenna, oun gar har o Devel kova kamella. Yon shounenn ap kava te kova, oun marenn pen tele. Oun yaake krenn le kova, hoy dran lende vella oun gar o Deblestar.

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.

1. Petro 1:18

T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

2. Petro 3:17

Lače phrala oun phenya, kanna djinenn t'mer, kay čilače menshe venna, kay shounenn gar ap o Debleste. Doleske denn garda, te patsenn gar o rhorhepen, hoy yon rakrenna! Ma djan lentsa, te perenn t'mer gar o čačo dromestar tele! Ačenn zoreles an o patsepen tardo!

2. Johanni 1:8

Denn yak, te nashrenn gar kova, hoy mer t'men sikram, te vell t'men ninna ko tselo bravlepen, hoy o Devel kamell t'men te dell.