Kolossarja 1:9 - O Debleskro Lab 2024 (Sinte-Manouche)

⁹ Oun har mer kova shounam, mangam o Debles t'menge, oun moukam gar tele, te mangas lestar, te dell lo an t'mende o gosvepen, hoy dell o Debleskro Dourho, te hayvenn t'mer, hoy o Devel kamella.

O Debleskro Drom 2021 (Sinte)

⁹ Un har mer kowa shunam, mangam o Debles tumenge, un mukam gar tele, te mangas lestar, te dell lo an tumende o goswepen, hoi dell o Debleskro Ducho, te haiwenn tumer, hoi o Dewel kamella.

Kolossarja 1:9 Iomraidhean Croise

Debleskri gili 119:99

Me rakrau miro djiyeha pral tire laba, hoy menge sikrenn, har te djivas. Doleske hayvau boudeder har mire sikepangre.

Debleskri gili 143:10

Sike mange, hoy touke shoukar hi, te krap me, tou hal miro Devel. Tiro lačo dourho mou sikrell man o čačo drom.

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Bičepangre 12:5

Har o Petro an o stilepen his, mangan i tsele patsle pengro tselo djiyeha o Debles leske ap i rati oun ap o dives.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

1. Korintarja 1:5

Yob das t'men boud gosvepen, te nay penenn o Debleskro lab, oun te hayvenn t'mer, hoy yob kamell t'menge te penell.

Efesarja 1:8

Boud kope his lo menge lačes, oun das men ninna gosvepen, te hayvas leskro drom.

Efesarja 5:10

Rodenn pal kova, hoy hi mishto glan o Yezouseste, maro rayeste!

Efesarja 5:17

Doleske krenn t'maro dji pre, te hayvenn, hoy o ray Yezous t'mendar kamella!

Efesarja 6:6

Ma krenn koy boudi yaake, te sharenn t'men i menshe! Na-a, krenn koy boudi o Yezous Kristeske, te sharell yob t'men! Yaake han leskre boudepangre, kay o djiyestar krenna, hoy o Devel kamella.

Filiparja 1:4

Oun hako tsiro, kay mangau o Debles t'menge lauterenge, hom barhtelo pral t'mende.

Kolossarja 1:6

Kava lačo lab vas gar t'menge kokres penlo. Na-a, kava lab vell ap i tseli phoub penlo. Oun boud oun boudeder menshe venna patsle. Yaake hi ninna pash t'mende: T'mer shounan ko lačo lab, oun hayvan čačepah, kay hi o Devel lačes ap t'mende.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

1. Tessalonikarja 5:17

Mangenn o Debles hako tsiro!

2. Tessalonikarja 1:11

O Devel rodas t'men vin, te djivenn pash leste. Doleske mangah lestar hako tsiro, te djivenn t'mer kanna yaake ap kay phoub, har yob kova peskre čavendar kamella. Ninna mangah lestar, te dell lo t'men i zoor, te nay krenn o lačo koova, hoy kamenn te krenn dran t'maro patsepen.

Filemon 1:4

Hako tsiro, kay rakrau o Debleha, parkrau man touke pash leste.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

1. Petro 2:15

O Devel kamell, te krenn t'mer o lačepen. Yaake pandenn t'mer kol dinele menshenge o mouy, kay hayvan gar o čačepen oun rakrenn djoungeles pral t'mende.

1. Petro 4:2

Yaake rah, har kava mensho ap kay phoub hi, krell lo kova, hoy o Devel kamella, oun djivell bouder gar pal peskro shero.

1. Johanni 2:17

Kay phoub ačella gar, vitar gar kova, hoy i menshe ap kay phoub kamenna. Koon krella, hoy o Devel kamella, kova ačella hako tsiro.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

1. Samuel 12:23

Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.