Kolossarja 1:12 - O Debleskro Lab 2024 (Sinte-Manouche)

¹² Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.

O Debleskro Drom 2021 (Sinte)

¹² Parkrenn tumen o tselo djijestar pash o Debleste, kai hi tumaro dad an o bolepen! Job kras tumen moldo, te djiwenn tumer khetne i wawar patslentsa pash leste an o bolepen, kai hi kek tamlepen.

Kolossarja 1:12 Iomraidhean Croise

1. Rajengro liil 6:7

I barra ko khereske van dino, glan te vas o kheer kerdo. Yaake vas kek sasterno depaskro shounlo, kek tover, vitar kek vavar sasterne koola, an ko tselo tsiro, har o Debleskro kheer kerdo vas.

1. Familjakro liil 29:20

Oun o David penas ap i tsele menshende, kay kote khetne his: “Sharenn t'maro baro Debles!” Koy sharan i tsele menshe o baro Debles, ko Debles lengre phourendar. Oun yon djan ap pengre čanga glan o baro Debleste oun glan o baro rayeste,

Debleskri gili 116:7

Me penau ap miro dji: “Ma dare bouder! O baro Devel his lačo ap toute.”

Debleskri gili 36:9

Tou čoreh pral lende lačo koova dran o bravlepen an tiro kheer. Oun deh len tiro lačepen te piyell, har te piyans le lačo pani.

Debleskri gili 79:13

Mer ham tire menshe. Tou hal menge har i bakrengro, kay anell peskre bakre kote, kay hatsenn le rhapaske. Mer parkrah men pash toute hako tsiro, oun sharah tout kanna oun an ko tsiro, hoy vella.

Debleskri gili 97:11

I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Daniel 2:23

Tou, o Devel mire phourendar, pash toute parkrau man oun tout sharau, te dal man gosvepen oun zoor, oun moukal man te djinell, hoy toutar mangam, oun sikral man kova, hoy o baro ray kamell te djinell.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Johanni 4:23

Ko tsiro vella, oun hi kanna kay, koy della menshe, kay mangenn o dades an o čačepen an. Kal menshen hounte vell o Debleskro Dourho. O dad rodell kolen, kay mangenn les yaake an.

Bičepangre 20:32

Me čivau t'men kanna an o Debleskro vast, te dell yob yak ap t'mende. Ačenn pash o Debleste oun pash leskro lab! Leskro lab sikrell t'mende o Debleskro lačepen. Les hi i zoor, te krell lo t'men zoreles an o patsepen. Oun o Devel dell t'men yek bravlepen an o bolepen. Kova hi o djipen, hoy gar pre-herella. Kova dell yob lauterende, kay leskre čave hi.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Remarja 11:17

I bibolde hi har i lačo djeteskro rouk. Ko lačo djeteskro roukestar van kashta tele činlo. T'mer han har i kasht o divyo roukestar. Oun t'mer van ap ko djeteskro rouk dren čiddo, oun djivenn lestar, oun lenn i zoor lestar.

Remarja 15:27

Kol love dan le pengro tselo djiyestar. I patsle an o foro Yerusalem penan o Debleskro lačo lab kolenge, kay kek bibolde hi. Yaake hounte denn i patsle, kay kek bibolde hi, i biboldende lauter kova, hoy hounte vell len djipaske. Koya hi lengri siyaan.

Remarja 8:17

Gar kokres leskre čave ham mer. Mer lah ninna lestar ko tselo lačepen, hoy les menge hi an o bolepen. Kova lah khetne o Yezous Kristeha. Te venn douka ap mende, yaake har van douka ap o Yezous Kristo, palle krell men o Devel ninna baro oun raylo leha.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

1. Korintarja 8:6

hi men yek Devel. Kova hi maro dad an o bolepen, oun dran leste vell halauter. Oun mer ham leske koy. Oun men hi yek ray, kova hi o Yezous Kristo. Lestar vas halauter. Oun lestar lam mer o nevo djipen.

1. Korintarja 9:23

Kova lauter krau me, te patsenn boud ap o lačo lab o Yezous Kristestar, te lap ninna kova, hoy mange o Devel an peskro lab penella.

2. Korintarja 11:14

Pral kolende hounte krenn t'mer kek bare yaka. Ninna o beng krell yaake, har te vals lo o Debleskro bolepaskro.

2. Korintarja 5:5

O Devel das men gole, te las ko nevo djipen an o bolepen, oun yob das men peskro Dourho, te djinas, kova vell yaake.

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Efesarja 3:6

Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

Efesarja 4:6

Oun t'men hi o emligo Devel. Kova hi o dad lauterendar. Yob hi pral lauterende oun mashkral lende, oun djivell an lauterende.

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Efesarja 5:4

Hi vitar gar čačo o Debleskre čavenge, te rakrenn le djoungele laba, dinelo koova, oun sapaskro koova, hoy či moldo hi! T'mare labentsa sharenn o Debles, oun parkrenn t'men pash leste! Kova krenn oun gar ko vavar!

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

Kolossarja 3:15

O Yezous Kristo das t'men pash peste gole, te djivenn lauter leha khetne. Djivenn kanna yaake, te han t'mer yek dji oun yek djipen! Oun parkrenn t'men pash o Debleste!

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

Jakobo 3:9

I čipyah sharah mer o Debles, kay hi maro ray oun dad. Oun i čipyah praasah mer i menshen, kay o Devel kras yaake har yob hi.

1. Petro 5:1

Kanna rakrau ap kolende, kay hi i phoureder mank t'mende. Me hom ninna i phoureder, oun dikom mire yakentsa, har o Yezous Kristo ap o troushel meras. Oun ap ko dives, kay vell peskro tselo raylepen diklo, hom me ninna pash leste. T'menge penau zoreles:

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.