Josua 9:14 - O Debleskro Lab 2024 (Sinte-Manouche)

¹⁴ Kote lan i pralstoune pral i Israelitarya o rhapastar kol vavarendar, hoy len o dromeske pashel his, oun rhan les. O baro Debles poučan le koleske gar.

O Debleskro Drom 2021 (Sinte)

¹⁴ Kote lan i pralstune pral i Israelitarja o chapastar kol wawarendar, hoi len o dromeske pashel his, un chan les. O baro Debles putchan le koleske gar.

Josua 9:14 Iomraidhean Croise

2. Samuel 2:1

Pal kova poučas o David o baro Deblestar: “Djap me an yek kol foryendar an o them Youda, te ačap kote?” Oun o baro Devel penas ap leste: “Dja koy!” Oun o David poučas: “An havo foro?” Penas o Devel: “An Hebron.”

2. Samuel 5:19

O David poučas o baro Deblestar: “Djap me pral pash kol Filistarya? Kameh len an mire vasta te dell?” Oun o baro Devel penas ap o Davideste: “Dja pral! Me dau kol Filistaryen an tire vasta.”

Esra 8:21

Oun me moukom kote pash o pani Ahava i tsiro vin te kharell, kay rhas mer či, oun djas ap i čanga glan maro Debleste, te djal lauter mishto ap maro drom, te djah an maro them, oun te venn kek čilače menshe pral mende oun mare čavende oun halauter hoy men hi.

2. Mose 28:30

An ko bečeskri possita čip kol douy tikne koola, hoy kharenna momeli oun čačepen, te venn le ap o dji o Aronestar, te djal o Aron dren pash mande. Kol douy tikne koola, kolentsa t'mer vin hatsenn, hoy me, o baro Devel, i Israelendar kamau, kolen hidjrell lo ap peskro dji, te vell lo glan mande.

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Josua 9:13

Oun kal molyakre gone, kay his neve, har len khere pherdo kram, kanna van le phoure oun djan paash. Kalla mare koola oun kirrha van phoure oun djan paash ap ko dour drom, hoy hounte djam.”

Čačepangre 1:1

Oun har o Yosua meras, poučan i Israelitarya o baro Debles: “Koon mendar djal glanstounes an o kourepen i menshentsa an o them Kanaan?”

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”

1. Samuel 22:10

Oun kova poučas o baro Deblestar leske, das les maro; oun ko rharo ko Filistarestar Goliat das lo les ninna.”