Josua 8:8 - O Debleskro Lab 2024 (Sinte-Manouche)

⁸ Oun te lan t'mer o foro dren, palle rhačrenn les pre, yaake har o baro Devel kova penas. Denn yak, te krenn, hoy penom t'menge!”

O Debleskro Drom 2021 (Sinte)

⁸ Un te lan tumer o foro dren, palle chatchrenn les pre, jaake har o baro Dewel kowa penas. Denn jak, te krenn, hoi penom tumenge!”

Josua 8:8 Iomraidhean Croise

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

5. Mose 20:16

An kol forya, hoy hi an ko them, hoy t'maro baro Devel t'men della, hounte moukenn t'mer kekes djido, kek menshes vitar kek firhes.

Josua 1:16

Oun yon penan ap o Yosua: “Lauter, hoy tou penal te kras, kova krah mer! Oun kay tou men bičreh, kote djah mer!

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Josua 6:24

O foro oun halauter, hoy an leste his, rhačran le pre. Kokres o roup oun o sonakay oun ko sasterno koova čivan le pash o bravlepen an o baro Debleskro kheer.

Josua 8:13

Oun kol tsele lourde his yaake tardo, kay kol boudeder ap i servi rig o forestar his, oun kol vavar ap koy rig, kay o kham tele djal. Oun an koy rat djas o Yosua tele an koy tala mashkral kol douy berge.

Josua 8:2

Oun tou kress ko foreha Ai oun leskro baro rayeha yaake har tou kova o foreha Yericho oun leskro baro rayeha kral. Kokres lengro koova oun lengre firhen rikrenn t'menge! Kanna čivess morshen khatemen pal o foro, kay lenge palle an o doumo perenn!”

Josua 8:22

Oun ninna i Israelitarya, kay o foro dren lan, van dran o foro vin oun djan ap lende. Yaake his i morsha dran o foro Ai mashkral i Israelitarya. Oun kolla his troul lende kol douy rigyendar. Oun i Israelitarya dan len moulo. Oun kek lendar ačas pral, oun vitar kek nay nashas peske.

Josua 8:28

Oun o Yosua rhačras o tselo foro Ai yaake tele, te ačan kokres rhačede barra pral hako tsireske. Kolla hi gomme kava dives yaake čiddo.

Josua 8:7

Oun ap ko tsiro, kay mer lendar nashah, venn t'mer dran t'maro khatepen vin, oun lenn o foro dren. O baro Devel hi t'maro Devel oun dell t'men o foro an o vast.

Josua 8:9

Oun yaake har o Yosua lenge penas, djan le koy oun khatran pen ap koy rig o forestar Ai, kay o kham tele djal, mank Ai oun o foro Betel. Oun o Yosua ačas an koy rat pash i vavar lourdende.

Čačepangre 4:6

Vas i dives, kay moukas li i morshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Oun yoy penas ap leste: “O baro Devel, kay o Devel pral o Israel hi, yob penell touke: Le touke deesh-zerya morsha dran i khera Naftali oun Zabulon oun dja lentsa ap i berga Tabor!