Josua 8:33 - O Debleskro Lab 2024 (Sinte-Manouche)

³³ Oun i tsele Israelitarya, lengre phoureder, pralstoune oun čačepangre morsha, ninna i vi-themarya mank lende, yon halauter his tardo ap kol douy rigya pash o morhton, kay i deesh laba dren hi, hoy o baro Devel len das. Ap koy yek rig dikan le i berga Garizim, ap koy vavar rig dikan le i berga Ebal. Mank lende oun o morhton his i rashaya tardo, kay o morhton hidjran, – kolla his Levitarya. I tsele menshe his yaake tardo har o Mose, o baro Debleskro boudepaskro, glan i tsiro penas, te venn le tardo ap ko dives, kay vell o Debleskri barht pral lende vi-rakedo.

O Debleskro Drom 2021 (Sinte)

³³ Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.

Josua 8:33 Iomraidhean Croise

2. Mose 12:49

Ko lab hi t'menge oun kolenge dran vavar themma, kay mashkral t'mende djivenna.”

3. Mose 24:22

T'menge oun kolenge dran i vi-them, kay pash t'mende djivenna, hounte vell yek čačepen, pal kova lauter vin kerdo vell. Me, o baro Devel, hom t'maro Devel.

4. Mose 15:15

Kal laba, hoy penenn t'menge, hoy te krenn an kava koova hi t'menge lauterenge: t'menge, kol Israelitarya, oun ninna kol vavar menshenge, kay mank t'mende djivenna. Kol laba ačenna hako tsiro t'mare čavenge, hoy pal t'mende venna: Glan o baro Debleste hi o vi-themari yaake har t'mer han.

4. Mose 15:16

I emlige čačepaskre laba oun o emligo čačepen hi t'menge oun kolenge, kay hi vi-themarya mank t'mende.

4. Mose 15:29

Oun yaake hounte vell kova hakeneske, kay anas i doosh ap peste oun djinas gar, kay kaya i doosh hi – nay vell i Israelitari, nay vell i vi-themari, kay mank t'mende djivell.

Johanni 4:20

Mare phoure mangan o Debles ap kay berga an. T'mer bibolde penenn menge: Halauter hounte mangenn o Debles an o foro Yerusalem an!”

5. Mose 11:29

Te anell t'men t'maro baro Devel an ko them, an koleste t'mer venn, te lenn les t'menge dren, palle denn koy barht vin gole ap i berga Garizim, oun i bibarht ap i berga Ebal.

5. Mose 31:12

Kote an i tsele menshen khetne, i morshen, i djouvyen oun i čaven, ninna kol vi-themaryen, kay an t'mare forya djivenn. Yon lauter hounte shounenn kal laba, yaake te djinenn le, har te djivenn le o baro Debleha, kay t'maro Devel hi, oun rikrenn pen mishto ap kal tsele čačepaskre laba.

5. Mose 31:25

Pal kova penas lo ap i Levitarya, ap kolende, kay hidjran o morhton, kay o baro Debleskre deesh laba dren hi:

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.

Josua 23:2

Kote das lo i tsele pralstunen pral Israel pash peste khetne gole: i phoureder, oun i pralstoune pral i bare familye, i čačepangre morsha oun vavar pralstoune, oun penas ap lende: Me vom phouro, oun man his i lengsto djipen.

Josua 24:1

Oun o Yosua moukas menshen dran haki bari familya, kay van kol deesh-te-douy čavendar o Yakobestar pash peste an o foro Sichem khetne gole te dell, i phoureden, i pralstunen pral i bare familye, i čačepangre morshen, oun vavar pralstunen. Oun yon van khetne glan o Debleste.

Josua 3:14

Oun i menshe djan vin dran lengre plarhtene khera, te djan le vergel o pani Yordan. Oun i rashaya, kay hidjrenn ko morhton, kay o Debleskre deesh laba dren hi, djan lenge glan vin.

Josua 3:3

oun moukas i menshenge te penell: “Ap ko tsiro, kay dikenn t'mer, har hidjrenn i rashaya dran o kheer Levi ko morhton, kay o Debleskre deesh laba dren hi, hoy t'men t'maro baro Devel das, palle stenn pre, oun djan pal o morhton!

Josua 3:6

Oun ap i rashayende penas lo: “Hadenn o morhton pre, kay o Debleskre deesh laba dren hi! Oun djan glan i menshende glan!” Koy hadan le o morhton pre, oun djan i menshenge glan vin.

Josua 4:10

Oun kol rashaya, kay ko morhton hidjrenn, ačan mashkral an o pani Yordan tardo, bis te halauter kerdo his, hoy o baro Devel ap o Yosua penas, te penell lo kova i tsele menshenge, yaake har o Mose kova ap o Yosua penas. Oun i tsele menshe djan sik vergel.

Josua 4:18

Oun har i rashaya kova kran, oun lengre herya ap o them čivan, vas o pani an o Yordan pale oun nashas pale yaake pral i tsele rigya har glan ko tsiro.

Josua 6:6

Oun o Yosua, koleskro dad o Noun his, das i rashayen pash peste gole, oun penas ap lende: “Anenn o morhton, kay o Debleskre deesh laba dren hi! Oun efta t'mendar hidjrenn hakeno yek phourdepaskri oun djan glan ko morhton.”