Josua 8:3 - O Debleskro Lab 2024 (Sinte-Manouche)

³ Kote kras pes o Yosua oun i tsele lourde ap o drom, te djan le pre pash o foro Ai. Oun o Yosua rodas 30.000 (triyanda-zerya) čače kourepangre vin, oun bičras len an i rat koy.

O Debleskro Drom 2021 (Sinte)

³ Kote kras pes o Josua un i tsele lurde ap o drom, te djan le pre pash o foro Ai. Un o Josua rodas 30.000 (trijanda-serja) tchatche kurepangre win, un bitchras len an i rat koi.

Josua 8:3 Iomraidhean Croise

2. Mose 17:9

Oun o Mose penas ap o Yosua: “Rode menge morsha vin oun dja lentsa an o kourepen oun denn i Amalekarya! Taysar kamau me man ap koy berga tardo te čivell, o Debleskro kasht an miro vast.”

Mateo 24:39

hayvan le gar, hoy koy djas. O baro pani vas pral lende, oun yon lauter tassan. Yaake djal kova ninna ap ko dives, kay vell o Mensheskro Čavo pale.

Mateo 24:50

palle vell leskro ray pale ap i dives, kay o boudepaskro gar patsell, te vell yob. Ap yek kopo hi lo koy,

Mateo 25:6

His deesh-te-douyenge an i rati, kote das yek bari gole: O biyabeskro vella! Djan vin pash leste!

1. Tessalonikarja 5:2

T'mer djinenna, o ray Yezous vella har i čorepaskro an i rati.

Josua 10:7

Kote djas o Yosua dran o foro Gilgal vin. Oun leskre tsele lourde, ninna i tsele čače kourepangre djan leha.

Josua 8:2

Oun tou kress ko foreha Ai oun leskro baro rayeha yaake har tou kova o foreha Yericho oun leskro baro rayeha kral. Kokres lengro koova oun lengre firhen rikrenn t'menge! Kanna čivess morshen khatemen pal o foro, kay lenge palle an o doumo perenn!”

Josua 8:4

Oun penas lenge: “Khatrenn t'men pal o foro, te nay perenn lenge an o doumo! Ma djan gar dour o forestar krik, yaake te venn nay hako tsiro vin!

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

Čačepangre 9:32

Doleske ab an i rat, tou oun tire tsele kourepangre, oun čip tout pash o foro khatemen.