Josua 8:29 - O Debleskro Lab 2024 (Sinte-Manouche)

²⁹ Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.

O Debleskro Drom 2021 (Sinte)

²⁹ Un o baro rajes o forestar Ai mukas lo ap i ruk pre te bladell. Bis ap i rat atchas job ap i ruk. Un har o kham tele djas, penas o Josua, te lenn le ko mules o rukestar tele. Un jon lan les tele un witsran les glan o foreskro baro wudar, un tchiwan bud barra ap leste pre, hoi gomme kau diwes koi hi.

Josua 8:29 Iomraidhean Croise

2. Samuel 18:17

Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Debleskri gili 107:40

Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

Debleskri gili 110:5

O baro Devel hi ap tiri čači rig tardo, oun dell bare rayen khetne ap ko dives, kay leskri rholi vella,

Johanni 19:31

His o dives glan o Debleskro dives. Ko Debleskro dives his i baro dives. Doleske kaman i pralstoune bibolde gar, te ačenn i moule ap ko Debleskro dives ap o troushel. Oun yon mangan o Pilatestar, te venn i herya kolendar phagedo, kay ap o troushel dino van, te merenn le sikeder. I bibolde kaman, te lenn le len sik tele.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Josua 10:30

Oun o baro Devel das ninna kolen oun lengro baro rayes an o Israeleskro vast. Oun i Israelitarya dan len o rhareha. Lauteren, kay an ko foro djivan, dan le moulo, oun moukan kekes krik te nashell. Oun ko baro rayeha kran le yaake har o baro rayeha pral o foro Yericho.

Josua 10:33

An kava tsiro djas o baro ray pral o foro Geser, o Horam pre, te vell lo ap i rig kolendar, kay djivenn an o foro Lakish. Ninna les oun leskre lourden maras o Yosua yaake, te nay ačas kek lendar.

Josua 12:9

I bare raya, kolengre themma i Israelitarya penge dren lan, djivan an kal forya: Yericho oun Ai, hoy pash o foro Betel čiddo hi,

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

Josua 8:23

Kokres o baro rayes pral o foro Ai tapran le djides oun anan les pash o Yosua.