Josua 8:28 - O Debleskro Lab 2024 (Sinte-Manouche)

²⁸ Oun o Yosua rhačras o tselo foro Ai yaake tele, te ačan kokres rhačede barra pral hako tsireske. Kolla hi gomme kava dives yaake čiddo.

O Debleskro Drom 2021 (Sinte)

²⁸ Un o Josua chatchras o tselo foro Ai jaake tele, te atchan kokres chatchede barra pral hako tsireske. Kolla hi gomme kau diwes jaake tchiddo.

Josua 8:28 Iomraidhean Croise

2. Rajengro liil 19:25

Shoun oun mouk touke te penell: Kova vas yaake har me kamom. Glan i rah tsiro his yaake an miro shero. Kanna moukom te djal, kay tou val, oun zorele forya paash dal. Oun kokres lengre barra pral ačan.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jesaja 25:2

Tou kral o zorelo foro paash. Lestar ačas či pral har barra. Ko foro, kay i zoreli massouri troul leste his, hi čiddo an kotya. Kote, kay rayen dran vavar themma pengre shoukar khera his, hi kek foro bouder. Oun kek nay čivell len pale pre.

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Jeremia 50:26

Avenn pral kava them haki rigyatar, krenn leskre djobenge khera pre, vitsrenn halauter khetne ap i phoub, oun rhačrenn les pre, te ačell či pral!

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

Josua 4:9

Deesh-te-douy vavar barra čivas o Yosua mashkral an o pani Yordan, kote kay i herya kol rashayendar tardo his, kay hidjran o morhton, kay o Debleskre deesh laba dren hi. Oun kote hi kol barra ninna gomme kava dives.

Josua 8:29

Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.