Josua 8:14 - O Debleskro Lab 2024 (Sinte-Manouche)

¹⁴ Oun har kova o baro ray pral o foro Ai dikas, djas lo peskre tsele lourdentsa sik vin dran o foro, te kourenn le pen i Israelentsa kote, kay tapran le len o vavar kopo, ap ko drom pash o pani Yordan. Yob djinas gar, te his ninna Israelitarya khatemen ap i vavar rig o forestar.

O Debleskro Drom 2021 (Sinte)

¹⁴ Un har kowa o baro rai pral o foro Ai dikas, djas lo peskre tsele lurdentsa sik win dran o foro, te kurenn le pen i Israelentsa kote, kai tapran le len o wawar kopo, ap ko drom pash o pani Jordan. Job djinas gar, te his ninna Israelitarja khatemen ap i wawar rig o forestar.

Josua 8:14 Iomraidhean Croise

Sikepaskro 9:12

Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Jesaja 19:11

I pralstoune dran o foro Soan hi dinele, i goseve rakepangre o baro rayestar Farao penan leske narvelo koova. Har nay penenn le leske: Mer ham i čave goseve morshendar, mare phoure his bare raya an o phouro tsiro?

Jesaja 19:13

I pralstoune pral o foro Soan van dinele, oun i pralstoune pral o foro Memfis kran pen čomone glan. I tsele pralstoune an Egiptia anan i menshen ap i rhorheno drom.

Daniel 4:31

Oun har kol bersha trouyel djan, penas o Neboukadnezar: “Me hadom mire yaka pre pash o bolepen. Oun me vom pale sasto an miro shero. Oun me parkrom man pash o pralstouno Debleste. Les sharom oun hadom, kay hako tsiro djivella. Hako tsiro hi lo o pralstouno. Yob hi oun ačell o ray.

Mateo 24:39

hayvan le gar, hoy koy djas. O baro pani vas pral lende, oun yon lauter tassan. Yaake djal kova ninna ap ko dives, kay vell o Mensheskro Čavo pale.

Mateo 24:50

palle vell leskro ray pale ap i dives, kay o boudepaskro gar patsell, te vell yob. Ap yek kopo hi lo koy,

5. Mose 1:1

Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

Josua 8:13

Oun kol tsele lourde his yaake tardo, kay kol boudeder ap i servi rig o forestar his, oun kol vavar ap koy rig, kay o kham tele djal. Oun an koy rat djas o Yosua tele an koy tala mashkral kol douy berge.

Josua 8:15

Oun o Yosua oun i tsele Israelitarya kran, har te vans le lendar dino, oun nashan ap ko drom, hoy an o moulo tato them djal.

Josua 8:16

Kote van i tsele morsha, hoy an o foro his, khetne gole, te lenn le len palla. Oun yon lan o Yosua palla, oun van o forestar tele činlo.

Josua 8:5

Me oun i tsele lourde, hoy pash mande hi, djah glan o foro. Oun te venn yon kourepaske vin, yaake har o vavar kopo, palle nashah lendar krik.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Čačepangre 20:37

Oun kolla kay khatedo his, van dran pengro khatepen vin oun nashan sik pash o foro Gibea, oun lan ko fores dren, oun dan halauteren, kay an o foro his, pengre rharentsa moulo.