Josua 7:6 - O Debleskro Lab 2024 (Sinte-Manouche)

⁶ Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.

O Debleskro Drom 2021 (Sinte)

⁶ Har o Josua kowa dikas, dukas leskro dji jaake, te kras lo peskre koola, hoi ap leste his, paash, un mukas pes i mujeha ap i phub te perell, – glan o mochton, kai o baro Debleskre deesh laba dren his, un atchas jaake tchiddo bis ap i rat. Ninna i phureder an Israel kran kowa jaake. Un jon witsran tchik ap pengre shere.

Josua 7:6 Iomraidhean Croise

1. Mose 37:29

Har vas o Ruben pale pash i grouba oun dikas, kay o Yosef bouder gar dren his, kras yob peskre ripya paash i doukatar.

1. Mose 37:34

Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

2. Samuel 1:11

Koy tapras o David ap peskre koola, oun kras len paash i doukatar. Oun kol morsha, kay pash leste his, kran kova ninna yaake.

2. Samuel 1:12

Yon rovan o tselo dives. Oun rhan či bis te vas i rati. Pral o Sauleste rovan le, oun pral leskro čaveste Yonatan, oun pral o baro Debleskre menshende, i Israelitarya, kay van maredo i rhareha.

2. Samuel 1:2

Koy vas o triinto dives i morsh o Sauleskre lourdendar. Koleskre koola his paash, oun čik his ap leskro shero. Oun har yob pash o Davideste vas, vitsras yob pes glan leste ap i phoub, oun sharas les.

2. Samuel 12:16

Oun o David rodas o Debles kol ternepaske oun rhas či. Oun te vas yob khere, his yob i tseli rati ap i phoub čiddo.

2. Samuel 13:19

Oun yoy rissras o ripen an kotya dran doukatar, vitsras čik ap peskro shero, čivas peskro vast ap o shero, oun djas peske i zorelo ropah.

2. Samuel 13:31

Koy stas o baro ray pre, oun kras peskre koola an kotya paash, oun čivas pes ap i phoub. Oun lauter kol boudepangre, kay troul leste tardo hi, kran ninna pengre koola an kotya paash.

2. Rajengro liil 22:11

Yaake vas, har o baro ray i laba dran ko liil shounas, kras lo peskre koola paash, kay ap leste his.

2. Familjakro liil 34:19

Yaake vas, har o baro ray i laba dran ko liil shounas, kras lo peskre koola paash, kay ap leste his.

Esra 10:1

Oun har o Esra glan o Debleskro kheer ap peskre čanga čiddo his, oun ropah o Debleha rakras oun koy tseli doosh vin rakras, van boud menshe dran Israel troul leste trouyel, morsha, djouvya oun čave; oun yon halauter rovan zoreles.

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Ester 4:1

Oun har o Mordekay shounas, hoy djas, kras lo peskre koola paash, hoy ap leste his. Oun rivas peske i gono an, oun čivas yagakri čik ap peste. Oun djas dren mashkral o foro oun rovas oun das gole.

Ester 4:3

Oun an hako them, kay o liil o baro rayestar vas, his baro ropen mank i bibolde. Oun boud kaman bouder či te rhal, rovan oun rivan pen an gone oun čivan yagakri čik ap pende.

Hiob 1:20

Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.

Hiob 2:12

Har dikan le les foun doural, prindjran le les gar bouder pale. Oun yon rovan phares. Oun zoryah tserdas hakeno lendar peskre koola pestar tele, oun kras len paash. Oun yon vitsran čik pre oun ap pengre sherya.

Hiob 42:6

Doleske lau pale, hoy rakrom oun hom beshdo an i čik oun an i yagakri čik, te sikrap, kay khaytell man kova, hoy rakrom.

Ropaskre gilja 2:10

I phoure an o foro Yerusalem hi beshdo ap i phoub, oun penenn kek lab. Yon vitsran čik ap pengro shero, oun rivan gone ap pende. I terne čenge an o foro Yerusalem hi ropaske. Yon djan ap pengre čanga o mouyeha ap i phoub.

4. Mose 14:6

Oun o Yosua, koleskro dad o Noun his, oun o Kaleb, koleskro dad o Yefunne his, his douy kolendar, kay pen an o them trouyel dikan. Yon kran pengre koola an kotya i rholyatar,

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

Bičepangre 14:14

Har o Barnabas oun o Paulo kova shounan, kran le pengre ripya paash oun stan mashkral kol menshende, oun dan gole:

Josua 7:7

Oun o Yosua penas: “Ah, Ray, mo baro Devel! Hoske anal tou kal menshen pral o pani Yordan, te deh tou men kate an o vast kol menshendar Amor, te denn kolla men moulo? Ah, te ačams kote ap i vavar rig o panyestar Yordan!

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”

Čačepangre 11:35

Oun har yob lat dikas, kote tserdas lo i koola pestar tele, oun penas: “Ah miri čay, havi bari douk kreh tou mange! Miro dji rovell touke! Me dom o baro Debleste miro lab, oun nay lau les gar bouder pale.”

Čačepangre 20:26

Pale djan i tsele lourde dran Israel pre an o foro Betel, oun rovan oun dan gole glan o baro Debleste. Oun rhan či oun piyan či ko tselo dives bis i rat vas. Oun yon rhačran firhen o baro Debleske, save kay van tseles rhačedo oun save, kay rhan le khetne glan o baro Debleste.

Čačepangre 21:2

Kanna van i Israelitarya an o foro Betel, oun beshan glan o Debleste o tselo dives, oun dan gole oun rovan,

1. Samuel 4:12

Oun i morsh dran o kheer Benyamin nashas o tselo drom foun kotar, kay o marepen his, bis pash o Shilo ap yek dives. Yob kras peskre koola paash oun čivas čik ap peskro shero, te sikrell lo, har leskro dji rovas.