Josua 7:26 - O Debleskro Lab 2024 (Sinte-Manouche)

²⁶ Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

O Debleskro Drom 2021 (Sinte)

²⁶ Un jon tchiwan bud barra ap lende pre. Kolla hi gomme kau diwes koi. Doleske kharell kai platsa gomme kau diwes ‘Tala Achor’. Kanna his o baro Dewel buder gar chojedo.

Josua 7:26 Iomraidhean Croise

2. Samuel 18:17

Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

2. Samuel 21:14

Oun yon paskran len khetne i kokale o Saulestar oun leskro čavestar Yonatan an ko them Benyamin, an o gab Zela, an o moulengro kheer peskro dadestar Kish. Oun yon kran lauter yaake har o baro ray David penas. Pal kova his o baro Devel pale kamlo ap ko them.

2. Familjakro liil 29:10

Kanna hi man an o shero, te pandap man ap o baro Debleste, ko Devel pral o Israel, te djal peske leskri rholi mendar, hoy yaake zorelo ap mende čiddo hi.

Esra 10:14

Mouk mare pralstoune menge kate ačenn. Oun hakeno, kay las peske i romyat vavar menshendar an mare forya, yob te vell glan lende ap i vi-kerdo tsiro, oun khetne leha i phoureder oun i čačepangre morsha dran leskro foro. Yaake krah mer lauter, bis te vas maro Debleskri rholi pral kava koova mendar krik lino.”

Debleskri gili 85:4

Tou rikral tiri rholi pale, oun rhačral bouder gar i rholyatar.

2. Mose 32:12

Kameh, te penenn i Egiptarya: Kava Devel anas i Israelitaryen dran maro them vin, te marell lo len an i berge, te ačell kek lendar pral ap i phoub. Mangau tout, dja pale tiri rhačedi rholyatar! Mouk kay bibarht gar pral lende te vell!

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 65:10

Mire menshenge, kay poučenn pal mande, vell i tala Sharon koy platsa, kay anenn le pengre bakre, oun i tala Akor vell koy platsa, kay ačenn pengre groumya.

Ropaskre gilja 3:53

Yon vitsran man djides an i brounna, oun vitsran barra ap mande.

Hosea 2:15

Me dau lat i phagi hako diveske, kay nashas li peskre pirnenge palla, kol rhorhene deblenge, oun rhačras soungepaskro koova lenge, oun čivas kanengre oun verklia ap peste; te krell li pes shoukar lenge. Oun man bistras li! Kova penell o baro Devel.

Hosea 2:17

Kote dau late pale lakro drakengro them, oun koy tala Akor vell lake har i baro voudar, pal koleste lake o kham pre djal. Oun kote nashell li pale kamles pal mande, har an ko tsiro, kay li terno his, har an ko tsiro, kay li dran o them Egiptia djas.

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Joel 2:18

Palle vell o baro Debleskro kamlepen bares an leste peskro themeske, oun yob krell peskro dji pre peskre menshenge.

Jona 1:15

Oun yon lan o Yona oun vitsran les an o baro pani. Kote vas ko baro pani ap yek kopo pokones oun his bouder gar divyo.

Zakarie 6:8

Palle das o bolepaskro gole ap mande: “Kol graya, kay djan ap o servo drom, hoy djal an o them Babilonia, kolla kran, hoy o baro Devel kote kamas te krell.”

4. Mose 25:8

oun djas pal kol Israelitari an leskri isema, oun das an kol douyende khetne dren čourye, an ko morsheste, kay vell dran Israel oun an koy djouvel. Koy heras ko nasslepen pre, hoy ap i Israelitarya čiddo his.

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

5. Mose 13:18

Oun rikrenn t'menge či kolestar, hoy hounte kran paash! Palle lell o baro Devel peskri bari rholi t'mendar krik, oun vell t'menge lačo, oun krell t'menge pale peskro dji pre, te krell lo t'mendar boud oun boudeder menshe, yaake har lo pes glan t'mare phourende sovel das.

Josua 10:27

Oun har o kham tele djas, penas o Yosua, te lenn le len pale kol roukendar tele. Oun yon vitsran len an koy grotta, kay khatran le pen. Oun čivan bare barra koy glan. Oun kol barra hi gomme kava dives koy.

Josua 7:24

Oun o Yosua oun i tsele Israelitarya lan o Akanes, koleskro dad o Zera his, oun ko roup, koy plaashka oun ko baro lengsto sonakaskro kotar, ninna leskre čaven oun leskre čen, leskre groumyen oun bourike, bakre oun leskro plarhteno kheer, oun halauter, hoy leske his, oun anan len an i tala, hoy kharella Akor.

Josua 8:29

Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.