Josua 7:19 - O Debleskro Lab 2024 (Sinte-Manouche)

¹⁹ Koy penas o Yosua ap o Akan: “Miro čavo, pen o čačepen glan o baro Debleste, kay o Israeleskro Devel hi! Oun pen mange, hoy tou kral! Oun rike či pale!”

O Debleskro Drom 2021 (Sinte)

¹⁹ Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”

Josua 7:19 Iomraidhean Croise

2. Rajengro liil 20:15

Oun yob poučas: “Hoy dikan le an tiro kheer?” O Hiskiya penas: “Yon dikan halauter, hoy an miro kheer hi. Oun či dran miro bravlepen hi koy, hoy me len gar moukom te dikell.”

2. Familjakro liil 30:22

Oun o Hiskiya rakras kamles ap i tsele Levitarya, kay kran le pengri boudi mishto glan o baro Debleste. Efta divessa kran i Israelitarya ko festo. Oun khetne rhan le ko mass kol firhendar, hoy dan le o baro Debleste, oun parkran pen pash leste, ko Devel lengre phourendar.

Debleskri gili 32:5

Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Debleskri gili 51:3

Miro Devel, tou hal yaake lačo, oun tiro kamlepen hi baro! Dik lačes ap mande! Oun le ko čilačo koova, hoy krom, mandar krik!

Gosewe laba 28:13

Kova, kay peskri doosh khatrell, kova vell gar dour an peskro djipen. Kova, kay penell, hoy lo kras, oun moukell peskri doosh, hatsell o Debleskro kamlepen.

Jesaja 13:12

Me krau, te ačenn gar boud menshe djido. Tou hounte rodess boudeder, te hatsess yek menshes, har te rodeh pal lačo sonakay. Ava, hi phareder te hatsess menshen har te hatsess o sonakay dran Ofir.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

Louka 17:18

Hi kek vavar koy, kay vas pale pale, te sharell lo o Debles har kava Samaritari?”

Johanni 9:24

Kol pralstoune bibolde dan koles, kay korelo his, o douyto kopo gole, oun penan ap leste: “Pen kanna o čačepen glan o Debleste! Mer djinah, kay djal kava Yezous gar ap o Debleskro drom.”

Remarja 10:10

Koon o tselo djiyestar ap leste patsella, koles čivell o Devel an o čačepen. Oun koon i menshenge penella: O Yezous hi o ray, koleste dell o Devel o djipen, hoy gar pre-herella.

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.

Tito 2:2

Pen i phoure morshenge, te penenn le kek dinelo koova, te djivenn le lačes glan i menshende, te denn le yak, hoy yon rakrenna, te ačenn le an o čačo patsepen, te kamenn le i menshen o tselo djiyestar, oun te venn le gar khino an o patsepen!

Jakobo 1:20

Kek krell an i rholi kova, hoy o Devel kamella.

Josua 7:20

Koy penas o Akan ap o Yosua: “Ava, hi čačo, me anom bari doosh ap mande glan o baro Debleste, kay o Israeleskro Devel hi. Oun kava hi, hoy krom:

Debleskro tsiro 16:9

Oun i menshe van zoreles rhačedo. Oun yon praasan o Debles, kay das len koy phagi. Oun yon moukan gar pengro čilačo drom, oun sharan o Debles gar.

1. Samuel 14:43

Koy penas o Saul ap o Yonatan: “Pen mange, hoy tou kral.” Oun yob penas: “Me lom i mouy pherdo gvin ko kashteha an miro vast oun rhom les. Ake hom, tou nay deh man moulo.”