Josua 7:11 - O Debleskro Lab 2024 (Sinte-Manouche)

¹¹ O Israel anas bari doosh ap peste! Yon rikran pen gar ap mire laba, hoy lenge penom, te hounte rikrenn le. Oun yon lan kolestar, hoy mange his oun čoran les oun čivan les čorrhanes pash pengro koova pashel.

O Debleskro Drom 2021 (Sinte)

¹¹ O Israel anas bari doosh ap peste! Jon rikran pen gar ap mire laba, hoi lenge penom, te hunte rikrenn le. Un jon lan kolestar, hoi mange his un tchoran les un tchiwan les tchorchanes pash pengro koowa pashel.

Josua 7:11 Iomraidhean Croise

2. Rajengro liil 18:12

Kova lauter vas pral i Israelitarya doleske, kay yon gar shounan ap i laba lengro baro Deblestar, oun rikran pen gar ap kova, hoy yob lentsa vin kras; oun ap halauter, hoy o Mose, o baro Debleskro boudepaskro lenge penas, yon shounan gar koy pre, oun djivan gar koy pal.

2. Rajengro liil 5:24

Oun har o Gehasi pash koy tikni berga vas, kay o Elisa djivell, las yob kova dran lengre vasta oun čivas ko koova an o kheer ap i rig, oun bičras kol morshen pale.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Hosea 6:7

Yaake sik har van le an o them dren pash o foro Adam, rikran le pen bouder gar ap kova, hoy me, o baro Devel lentsa vin krom, oun moukan man.

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”

Mateo 22:21

Penan le: “O shero oun o lab o baro rayestar an o foro Rom!” Penas lo ap lende: “Yaake denn leste, hoy leskro hi! Oun denn o Debleste, hoy leskro hi!”

Bičepangre 5:9

O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

5. Mose 17:2

Te shounenn t'mer i morshestar, i djouvyatar an yek foro t'mendar, hoy t'maro baro Devel t'men dell, oun kova oder koya krell sau koova, hoy an i yaka t'maro baro Deblestar djoungelo hi, oun phagell koy sovel, hoy t'mer leske dan,

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Josua 7:1

I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

Josua 7:10

Kote rakras o baro Devel ap o Yosua: “Ste pre! Hoske hal tou yaake tiro mouyeha ap i phoub čiddo?

Čačepangre 2:20

Kote rhačras i rholi o baro Deblestar pral o Israel pre. Oun yob penas: “Kal čilače menshe rikran pen gar ap mire laba, hoy me lengre phourende dom, oun shounan gar ap mande.

1. Samuel 14:38

Koy das o Saul i pralstoune lourden pash peste khetne gole oun penas: “Kava dives anas yek doosh ap peste. Hatsenn vin, koon kova kras!