Josua 7:1 - O Debleskro Lab 2024 (Sinte-Manouche)

¹ I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

O Debleskro Drom 2021 (Sinte)

¹ I Israelitarja rikran pen gar ap o Debleskro lab, hoi job penas, te well halauter an o foro Jericho leskro. Jek lendar, o Achan, las tchomone peske. O Achaneskro dad his o Karmi, koleskro dad his o Sabdi, un koleskro dad his o Serach. Un kolla his mursha dran o kheer Juda. Har o Achan kowa kras, las o baro Dewel i bari choli pral i Israelitarja.

Josua 7:1 Iomraidhean Croise

1. Mose 34:27

Palle čoran o Yakobeskre čave kol moulendar an ko foro, kay lengri pheen i zoryah an-tapedo vas.

2. Samuel 24:1

Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

2. Rajengro liil 5:24

Oun har o Gehasi pash koy tikni berga vas, kay o Elisa djivell, las yob kova dran lengre vasta oun čivas ko koova an o kheer ap i rig, oun bičras kol morshen pale.

1. Familjakro liil 21:7

Kava tselo koova his djoungeles glan o Debleskre yaka. Doleske das lo i Israelenge i phagi.

2. Familjakro liil 24:18

Yaake vas, te djan i menshe an leskro them bouder gar an o kheer o baro Deblestar, kay o Devel lengre phourendar his. Yon mangan i figuren an, hoy i debletsa Ashera sikrenn oun vavar moule deblen. Yaake anan le doosh ap pende glan o baro Debleste. Oun leskri rholi vas pral o them Youda oun pral o foro Yerusalem.

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Hiob 35:8

Kolla hi i vavar menshe, kolenge kova djoungeles hi, te kreh čilačo koova, oun kolenge kova lačo hi, te kreh lačo koova.

Sikepaskro 9:18

O gosvepen hi boudeder moldo har i zorelo rharo; oun yek dinelo koova krell boud lačo koova paash.

Daniel 9:7

Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.

3. Mose 10:6

O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.

Jona 1:7

Oun yek rakras o vavareha: “Avenn, mer kamah kashta te vitsrell, te djinas nay, dran koneste savi bibarht ap mende vas.” Oun har yon kol kashta vitsran, sikran le ap o Yona.

Josua 22:16

O baro Debleskre tsele menshe moukenn t'menge te penell: “Havo čilačo koova kran t'mer ap o Israeleskro Debleste! Hoske moukan o baro Debles, oun kran t'menge i altaro? Koleha perenn o baro Deblestar tele!

Josua 22:18

Oun t'mer rissrenn t'men kava dives o baro Deblestar tele. Dikenn t'mer gar, hoy vella? Kava dives hadenn t'men pral o baro Debleste. Oun taysar vell leskri rholi pral i tsele menshende Israel.

Josua 22:20

His gar yaake, har o Akan, koleskro dad o Zera his, peske kolestar las, hoy o baro Debleske kokres his, te vas o baro Debleskri rholi pral i tsele Israelitaryen, ninna te kras yek morsh kokres ko čilačepen. Oun yob hounte meras koleske, hoy lo kras.”