Josua 6:25 - O Debleskro Lab 2024 (Sinte-Manouche)

²⁵ Oun yaake moukas o Yosua koy loubni Rahab te djivell, ninna lakre menshen, oun halauter, hoy lat his. Kova kras yob doleske, kay khatras li kol morshen, kolen yob bičras, te dikenn le pen čorrhanes an o foro Yericho trouyel. Oun yoy djivas mank i Israelitarya. Oun kolla, kay pal late van, djivenn gomme kava dives kote.

O Debleskro Drom 2021 (Sinte)

²⁵ Un jaake mukas o Josua koi lubni Rahab te djiwell, ninna lakre menshen, un halauter, hoi lat his. Kowa kras job doleske, kai khatras li kol murshen, kolen job bitchras, te dikenn le pen tchorchanes an o foro Jericho trujel. Un joi djiwas mank i Israelitarja. Un kolla, kai pal late wan, djiwenn gomme kau diwes kote.

Josua 6:25 Iomraidhean Croise

Mateo 1:5

Koleskro čavo his o Boas. Koleskri day his i Rahab. O Boas las i čaves. Kova his o Obed. Koleskri day his i Ruth. O Obed las i čaves. Kova his o Isay.

Bičepangre 2:21

Oun koon ap leste gole della, koles lell lo dran o čilačepen oun o merepen vin.

Hebrearja 11:31

Ninna i loubni Rahab patsas ap o Debleste, oun las kol morshen an lakro kheer dren, kolen o Mose bičras, te dikenn le, har zorelo o foro Yericho hi. Yaake vas i Rahab gar maredo khetne kol vavar menshentsa an ko foro, kay prindjran o Debles gar.

Jakobo 2:25

Ninna koy loubni Rahab vas čačo oun erligo glan o Debleste, har yoy ko lačo koova kras. Yoy phoukras gar ap kol douy bičepangre dran Israel, kay van an lakro foro, te dikenn le, har zorelo o foro hi. Yoy khatras len, oun anas len ap i vavar drom dran ko foro vin.

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 2:18

Te vah an o them, palle pande kava lolo shello an koy vali, kay tou men tele moukal! Oun le tiro dades oun tiri dat oun tire phralen oun tiri tseli dadeskri familya pash toute an tiro kheer khetne!

Josua 2:4

Koy djouvel anas kol douy morshen pral pre ap o kheer oun khatras len tel flakstikre ranya, hoy kote čiddo his. Oun yoy penas ap kol bičepangre o baro rayestar: “Ava, douy morsha van pash mande. Me djinom gar, dran havo them yon venn. Oun ap i rat, gomme glan ko tsiro, kay o foreskre bare voudya pandlo venn, djan kol douy morsha pale vin. Me djinau gar, kay le djan. Kanna nashenn lenge sik palla! Palle taprenn len gomme!”

Josua 4:9

Deesh-te-douy vavar barra čivas o Yosua mashkral an o pani Yordan, kote kay i herya kol rashayendar tardo his, kay hidjran o morhton, kay o Debleskre deesh laba dren hi. Oun kote hi kol barra ninna gomme kava dives.