Josua 6:23 - O Debleskro Lab 2024 (Sinte-Manouche)

²³ Kote djan kol douy morsha, kay pen an ko them trouyel dikan, dren pash i Rahab oun anan lat vin, ninna lakro dades oun lakri day, lakre phralen oun halauter, kay lake boudrenn, oun lakre tsele menshen, oun dan len i platsa vin glan koy platsa, kay i Israelengre plarhtene khera tardo his.

O Debleskro Drom 2021 (Sinte)

²³ Kote djan kol dui mursha, kai pen an ko them trujel dikan, dren pash i Rahab un anan lat win, ninna lakro dades un lakri dai, lakre phralen un halauter, kai lake budrenn, un lakre tsele menshen, un dan len i platsa win glan koi platsa, kai i Israelengre plachtene khera tardo his.

Josua 6:23 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 18:24

Te hi an ko foro 50 (paash-sheel) menshe, kay krenn, hoy mishto oun čačo hi, kameh tou kolen ninna te marell? Te hatseh kote 50 (paash-sheel) menshen, kay kek čilačepen kran, de o fores kek phagi!

1. Mose 19:29

Har o Devel rhačras kol forya an ko them pash o pani Yordan, kay o Lot khere his, bistras yob o Abrahames gar oun anas o Lotes vin dran kol forya.

4. Mose 31:19

Oun t'mer halauter, kay dan yekes moulo oder kay tapran i moules an, ačenn efta divessa glan koy platsa, kay t'mare plarhtene khera hi. Ap o triinto dives oun ap o eftato dives thovenn t'men yaake har glan činlo hi, te venn pale djoudjo oun erligo. Ninna kol ča, kay lan t'menge pandlo, hounte thovenn pen yaake.

Bičepangre 10:28

Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo.

Bičepangre 27:24

Kova penas ap mande: Ma traash, Paulo! Tou hounte vess glan o baro rayeste an o foro Rom anlo. O Devel shounas tout: Kek ap kava shiffo merella.

1. Korintarja 5:12

Kova hi gar maro koova, te rakras o čačepen pral kolende vin, kay gar patslo hi. Kova krell o Devel. T'mer hounte rakrenn o čačepen pral kolende vin, kay patsle hi. Vitsrenn koles dran t'mende vin, kay krell ko čilačo koova!

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

Hebrearja 11:31

Ninna i loubni Rahab patsas ap o Debleste, oun las kol morshen an lakro kheer dren, kolen o Mose bičras, te dikenn le, har zorelo o foro Yericho hi. Yaake vas i Rahab gar maredo khetne kol vavar menshentsa an ko foro, kay prindjran o Debles gar.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Josua 2:13

te moukenn miro dades oun miri dat te djivell, oun ninna mire phralen oun mire phenyen oun lauteren, hoy pash lende hi! Denn man i sikepen, te denn men gar an o merepen!”

Josua 2:16

Oun yoy penas ap lende: “Djan an i berge, te nay hatsenn t'men kolla gar, kay t'men palla lenn. Oun khatrenn t'men kote triin divessa. Palle hi kolla, hoy t'men palla lan, pale khere. Oun t'mer djan t'maro drom.”

Josua 2:18

Te vah an o them, palle pande kava lolo shello an koy vali, kay tou men tele moukal! Oun le tiro dades oun tiri dat oun tire phralen oun tiri tseli dadeskri familya pash toute an tiro kheer khetne!

Čačepangre 1:25

Kote sikras yob len, har nay venn le an o foro dren. Oun yon maran o tselo foro o rhareha. Ko morshes oun leskre menshen moukan le te djal.