Josua 6:22 - O Debleskro Lab 2024 (Sinte-Manouche)

²² Oun ap kol douy morshende, kay pen an o them trouyel dikan, penas o Yosua: “Djan an o kheer, kay koy loubni djivell, oun anenn lat vin, ninna halauter, kay pash late hi, yaake har t'mer t'men glan late sovel dan.”

O Debleskro Drom 2021 (Sinte)

²² Un ap kol dui murshende, kai pen an o them trujel dikan, penas o Josua: “Djan an o kheer, kai koi lubni djiwell, un anenn lat win, ninna halauter, kai pash late hi, jaake har tumer tumen glan late sowel dan.”

Josua 6:22 Iomraidhean Croise

2. Samuel 21:2

[I Gibeonarya his gar kol menshendar Israel. Yon ačan pral foun i Amorarya. Oun i Israelitarya kran lentsa vin, te moukenn le len djido. Har kouras pes o baro ray Saul peskri tseli zoryah peskro themeske Israel oun Youda, kamas lo ninna i tsele Gibeonaryen te marell.] Kanna moukas o baro ray David kol Gibeonaryen gole te dell, oun rakras lentsa,

2. Samuel 21:7

Oun yob rodas efta morshen vin. O Mefi-Boshet, koleskro dad o Yonatan his oun koleskro papo o Saul his, kova his gar mank kolende. Glan i tsiro das o David glan o baro Debleste o Yonataneske i sovel, te moukell lo leskre čaven djido.

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Ezekiel 17:13

Oun yob las o rayeskre čavendar yekes, oun kras leha vin, te vell yob o ray pral o them Youda, oun moukas les i sovel te dell, te perell lo gar lestar tele. I pralstunen dran ko them las lo pandles an Babilonia,

Ezekiel 17:16

Me dau man sovel pash miro djipen, penell o baro Devel, maro ray: Ko ray pral Youda phagas peskri sovel, oun rikras gar dren, hoy lo o baro rayeha dran o them Babilonia vin kras, koleha, kay les ray kras. Doleske merell lo an koleskro foro – mashkral an Babilon.

Hebrearja 11:31

Ninna i loubni Rahab patsas ap o Debleste, oun las kol morshen an lakro kheer dren, kolen o Mose bičras, te dikenn le, har zorelo o foro Yericho hi. Yaake vas i Rahab gar maredo khetne kol vavar menshentsa an ko foro, kay prindjran o Debles gar.

Josua 6:17

Oun o foro oun halauter hoy dren hi, hi o baro Debleske. Kek mensho oun kek firho nay ačell djido. Kokres koy loubni Rahab ačell djido, yoy oun halauter, hoy pash late an o kheer hi. Yoy khatras kol morshen pash peste, kolen mer bičram.

Josua 6:23

Kote djan kol douy morsha, kay pen an ko them trouyel dikan, dren pash i Rahab oun anan lat vin, ninna lakro dades oun lakri day, lakre phralen oun halauter, kay lake boudrenn, oun lakre tsele menshen, oun dan len i platsa vin glan koy platsa, kay i Israelengre plarhtene khera tardo his.

Josua 9:15

Oun o Yosua kras lentsa vin, te vell kek kourepen mashkral lende douyende. Oun yob das peskro vast koy pre, te moukell lo len te djivell. Oun i pralstoune pral o Israel dan pen ninna sovel koy pre.

Čačepangre 1:25

Kote sikras yob len, har nay venn le an o foro dren. Oun yon maran o tselo foro o rhareha. Ko morshes oun leskre menshen moukan le te djal.