Josua 5:14 - O Debleskro Lab 2024 (Sinte-Manouche)

¹⁴ Oun yob penas: “Kek kol douyendar! Me hom o pralstouno pral o baro Debleskre lourdende. Oun kanna vom kay.” Kote peras o Yosua ap peskro mouy ap i phoub, oun mangas les an, oun penas ap leste: “Me hom tiro boudepaskro. Hoy penell miro ray ap mande, te krap?”

O Debleskro Drom 2021 (Sinte)

¹⁴ Un job penas: “Kek kol dujendar! Me hom o pralstuno pral o baro Debleskre lurdende. Un kanna wom kai.” Kote peras o Josua ap peskro mui ap i phub, un mangas les an, un penas ap leste: “Me hom tiro budepaskro. Hoi penell miro rai ap mande, te krap?”

Josua 5:14 Iomraidhean Croise

1. Mose 17:17

Koy moukas pes o Abraham ap i phoub te perell, sanas oun penas peske: “Me hom sheel bersh phouro. Oun man te vell i čavo? Oun i Sara hi enya-deesh bersh phouro. Yoy te lell i ternepen?”

1. Mose 17:3

Koy moukas pes o Abram ap i phoub te perell. Oun o Devel rakras leha oun penas:

2. Samuel 7:19

Oun kanna hi kova touke gar doha. Baro Devel, miro ray, tou penal mange, hoy mire čavende kameh te dell, ninna an ko tsiro, hoy dour glan mende hi. Oun tou moukeh kova man, i menshes, te djinell.

2. Samuel 7:20

Oun hoy nay rakrau me, tiro boudepaskro, gomme boudeder? Tou baro Devel, miro ray, djineh, hoy an miro dji hi.

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Debleskri gili 24:10

Koon hi kava baro ray, kones o tselo raylepen hi? Kova hi o baro Devel, ko ray pral o bolepen oun i phoub. Yob hi o baro ray, kones o tselo raylepen hi.

2. Mose 4:10

Oun o Mose penas ap o baro Debleste: “Miro Ray, me hayvau gar mishto te rakrell, ninna kanna kay rakreh mantsa, hi mange phares te rakrap.”

2. Mose 4:13

Koy penas o Mose: “Miro ray, mangau tout, biče yek vavares!”

Jesaja 55:4

Dikenn, me krom les, te vell lo ray oun pralstouno pral vavar themma, te sikrell yob lende, koon me hom.

Jesaja 6:8

Oun me shounom, har o baro Devel, maro ray poučas: “Kones bičrap, oun koon rakrell mange?” Kote penom me: “Kate hom, biče man!”

Ezekiel 3:23

Oun me krom man ap o drom oun djom vin an o telstouno them. Oun kote dikom me pale o raylepen o baro Deblestar, yaake har dikom les, har homs pash o pani Kebar. Oun me moukom man ap i phoub te perell.

Daniel 10:13

Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Daniel 8:11

Ava, ko shing kras pes bareder har ko ray pral i bolepangre lourdende, oun kras, te anenn o Debleskre rashaya leske bouder gar kol firhen, hoy leske hako dives anlo hounte vans. Oun ninna kras lo o Debleskro kheer pale-čiddo.

3. Mose 9:24

I yag djas vin o baro Deblestar, oun rhačras ko mass pre kol firhendar, koleskro tselo mass rhačedo vell, ninna kol thoulle kotya, hoy ap o Debleskri rhačepaskri čiddo his. Har kova i tsele menshe dikan, dan le i barhtyatar gole, oun čivan pen tele glan o baro Debleste ap i phoub.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

4. Mose 22:31

Koy kras o baro Devel o Bileameske i yaka pre, kay nay dikas yob o baro Debleskro bolepaskres ap o drom tardo i rhareha an o vast. Oun o Bileam čivas pes ap peskre čanga tele oun vitsras pes ap peskro mouy.

Mateo 22:44

har yob penas: O Devel penas ap miro rayeste: Besh tout ap miri čači rig, te čivap kolen tel tire pire, kay hi rhoyedo ap toute.

Mateo 8:2

Kote vas i morsh pash leste. Koles his i djoungelo nasslepen ap peskro mass. Oun yob vitsras pes glan o Yezouseste tele ap i phoub, oun mangas lestar: “Ray, te kameh tou, nay kreh man sasto.”

Louka 1:43

Har djal kova, te vell koy day miro rayestar pash mande?

Louka 20:42

O David činas an peskre gilya: O Devel penas ap miro rayeste: Besh tout ap miri čači rig,

Louka 5:12

An yek foro his i morsh, koles his i djoungelo nasslepen, kay leskro mass ap leste tele merella. Yob dikas o Yezouses, oun vitsras pes glan leste tele ap i phoub, oun mangas lestar: “Ray, te kameh tou, nay kreh tou man sasto.”

Johanni 20:28

Koy penas o Thomas ap leste: “Miro ray oun miro Devel!”

Bičepangre 9:6

Ste pre oun dja an ko foro! Koy penenn le touke, hoy te kress.”

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

Hebrearja 2:10

O Devel kamas, te venn boud menshe peskre čave, oun lenn leskro raylepen. Doleske hounte las peskro čavo douka oun merepen ap peste, te nay anell lo len ap ko drom, kay lenn le o Debleskro djipen. Yaake his kova mishto glan o Debleskre yaka, kay lauter kras, oun koleske lauter kerdo vas.

Josua 20:1

Oun o baro Devel penas ap o Yosua:

Debleskro tsiro 12:7

Oun an o bolepen vas i baro kourepen: O Mikael oun leskre bolepangre kouran pen o baro lolo sapeha oun leskre kourepangre.