Josua 5:10 - O Debleskro Lab 2024 (Sinte-Manouche)

¹⁰ Oun har i Israelitarya pengre plarhtene khera pre čivan pash Gilgal an o telstouno them, kay o foro Yericho čiddo hi, kote rhan le ap i rati ko rhapen, hoy kharella Passa. Kova his ap o deesh-te-starto dives an ko čon.

O Debleskro Drom 2021 (Sinte)

¹⁰ Un har i Israelitarja pengre plachtene khera pre tchiwan pash Gilgal an o telstuno them, kai o foro Jericho tchiddo hi, kote chan le ap i rati ko chapen, hoi kharella ‘Passa’. Kowa his ap o deesh-te-starto diwes an ko tchon.

Josua 5:10 Iomraidhean Croise

2. Samuel 15:28

Shoun, me kamau te ačell an o moulo them pash o pani Yordan, bis te shounau t'mendar.”

2. Mose 12:11

Yaake hounte rhan les: troul t'maro per i dori pandlo, i kirrha ap t'mare herya, oun i kasht an t'maro vast. Rhan o rhapen sik! Ko rhapen kharell Passa. T'mer rhan les, te sharenn man, t'maro baro Debles.

2. Mose 12:18

An o ersto čon ap o deesh-te-starto dives ap i rat rhan t'mer maro, kay kek shoutlo yarro dren hi, bis ap o biish-te-yekto dives ap i rat.

2. Mose 12:6

Oun rikrenn les pash t'mende bis ap o deesh-te-starto dives. Rati ap ko dives, hounte marell haki Israeltikri familya peskro bakro.

Jeremia 39:5

I lourde dran Babilonia lan len palla, oun tapran o Sedekya an o telstouno them pash o foro Yericho, oun pandan les oun anan les pash o Neboukadnezar, ko baro ray dran o them Babilonia. Kova his an o foro Ribla an o them Hamat. Yob rakras pral leste i phagi vin.

Ezekiel 12:3

Tou mensho, le tire koola khetne, har te vals yek, kay hounte djal an o pandepen. Oun kre tout pral o dives ap o drom, te nay dikenn kova halauter. Glan lengre yaka djas tou kote vin, kay khere hals, oun djas ap i vavar platsa. Yaake te nay vals, te djal lenge i yaka pre – kolenge, kay moukenn pen či te penell.

3. Mose 23:5

Ap o 14. (deesh-te-starto) dives an o ersto čon, har o kham tele djas, vell ko dives, hoy hi o baro Debleske. Kava dives kharell Passa.

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

Josua 4:19

Kova his o deshto dives an o glanstouno čon, har i Israelitarya ap i vavar rig o panyestar Yordan van. Oun yon čivan pengre plarhtene khera pre ap i platsa, hoy kharella Gilgal. Kay platsa hi pash o foro Yericho ap koy rig, kay o kham pre djala.

Josua 5:11

Oun ap o vavar dives rhan le kova, hoy an ko them bares vas: peklo djob oun maro, kay kek shoutlo yarro dren his.

Josua 9:6

Oun yaake djan le ap koy platsa an Gilgal, kay i Israelitarya oun o Yosua his, oun penan ap leste oun ap i Israelengre morshende: “Dran i them dour katar krik vah mer, te krenn t'mer mentsa vin, te krenn kek kourepen mentsa.”

1. Samuel 7:16

Oun hako bersh djas lo an Betel oun Gilgal oun Mispa oun rakras kote o čačepen vin pral i menshende.