Josua 4:24 - O Debleskro Lab 2024 (Sinte-Manouche)

²⁴ Oun kova kras lo doleske, te dikenn i tsele natsyone ap kay phoub, har zorelo o baro Devel hi. Oun t'mer hounte rikrenn t'menge hako tsiro t'maro baro Debles glan i yaka.”

O Debleskro Drom 2021 (Sinte)

²⁴ Un kowa kras lo doleske, te dikenn i tsele natsjone ap kai phub, har sorelo o baro Dewel hi. Un tumer hunte rikrenn tumenge hako tsiro tumaro baro Debles glan i jaka.’”

Josua 4:24 Iomraidhean Croise

1. Rajengro liil 8:40

Palle rikrenn le penge tout glan i yaka hako tsiro, yaake rah har yon an kava them djivenn, hoy tou mare phourende dal.

1. Rajengro liil 8:60

Palle nay dikenn i menshe an i tsele vavar themma ap kay phoub, kay o baro Devel o čačo Devel hi, yob oun kek vavar.

2. Rajengro liil 19:19

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

2. Rajengro liil 5:15

Oun yob djas pale pash ko Debleskro morsheste lauterentsa, kay pash leste hi, djas glan leste oun penas: “Kanna djinau me, kay hi kek Devel ap i tseli phoub, kokres an Israel. Kanna le čomone mandar, te parkrap man pash toute.”

1. Familjakro liil 29:12

Bravlepen oun sharepen vell toutar. Tou kokres hal o ray. Tou kreh zorelo oun baro, oun nay kreh i menshes baro oun zorelo.

Hiob 40:9

Hi tout savi bari zoor har man? Nay rakreh tou savi zoryah har me?

Debleskri gili 106:8

O baro Devel sikras, te hi lo lengro Devel, oun vas ap lengri rig, te sikrell lo peskri zoor.

Debleskri gili 89:13

Ko them, kay o kham gar tardo hi, tou kral les. Ninna ko them, kay o kham pral tardo hi, tou kral les. Koy berga Tabor oun i berga Hermon sharenn tout i barhtyatar.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

2. Mose 14:31

Yaake dikan le, havi bari zoryah o baro Devel i Egiptaryen das. Oun i Israelitarya daran o baro Deblestar, oun patsan, hoy penas yob oun o Mose, koles leskro čačo vast his.

2. Mose 15:16

I trashatar his le har bango. Tiri zoryatar van le har barra, har tou moukal tire menshen glan lende vin te djal, tire menshen, kay tou touke vin rodal, baro Devel.

2. Mose 20:20

Koy penas o Mose: “Ma darenn! O Devel vas, te dikell lo, te krenn t'mer, hoy yob t'menge penas. Yob kamell te shounenn ap leste oun krenn kek čilačo koova.”

2. Mose 9:16

Me moukom tout doleske djido, te dikess miri bari zoor, oun te rakrenn le mandar ap i tseli phoub.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

5. Mose 28:10

Palle dikenn le an i tsele themma ap i phoub, te han o baro Debleskre vi-rodede menshe, oun yon darenn t'mendar.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.