Josua 4:19 - O Debleskro Lab 2024 (Sinte-Manouche)

¹⁹ Kova his o deshto dives an o glanstouno čon, har i Israelitarya ap i vavar rig o panyestar Yordan van. Oun yon čivan pengre plarhtene khera pre ap i platsa, hoy kharella Gilgal. Kay platsa hi pash o foro Yericho ap koy rig, kay o kham pre djala.

O Debleskro Drom 2021 (Sinte)

¹⁹ Kowa his o deshto diwes an o glanstuno tchon, har i Israelitarja ap i wawar rig o panjestar Jordan wan. Un jon tchiwan pengre plachtene khera pre ap i platsa, hoi kharella Gilgal. Kai platsa hi pash o foro Jericho ap koi rig, kai o kham pre djala.

Josua 4:19 Iomraidhean Croise

2. Rajengro liil 2:1

O dives vas, kay kamas o baro Devel o Eliyas an i zorelo phourdepen an o bolepen te lell. O Eliya oun o Elisa djan dran Gilgal krik.

Amos 4:4

T'mer djan pash o Debleskro kheer an o foro Betel, oun hadenn t'men pral o Debleste! T'mer djan an o Debleskro kheer an o foro Gilgal, oun hadenn t'men ninna boudeder pral o Debleste! Krenn doureder yaake: Taysarla marenn firhen o Debleske, oun o vavar dives anenn leske o deshto kotar kolestar, hoy dren anan!

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

5. Mose 1:3

An o star-deshto (40) bersh ap o ersto dives an o deesh-te-yekto čon penas o Mose ap i tsele Israelitarya halauter, hoy o baro Devel leske penas, te hounte krenn le.

5. Mose 11:30

Kolla hi kol douy berge ap i vavar rig o panyestar Yordan pash ko drom, hoy djal kote, kay o kham tele djal, an o telstouno them, kay o Yordan nashell oun kay i Kanaanitarya djivenn. Kol berge hi gar dour kol bare roukendar pash Gilgal.

Josua 10:43

Oun palle djas o Yosua peskre tsele lourdentsa pale ap lengre platsa pash o foro Gilgal.

Josua 10:6

Koy bičran i Gibeonarya morshen pash o Yosua ap koy platsa pash Gilgal, kay i Israelitarya hi, oun moukan leske te penell: “Ma mouk men kokres! Mer ham tire boudepangre! Ab yaake sik har djala pash mende pre, oun ab ap mari rig, te meras gar! I tsele bare raya pral i Amorarya, kay an o pralstouno them djivenn, čivan pen khetne te kourenn le pen mentsa.”

Josua 15:7

oun doureder an i tala Akor oun pral pash o foro Debir, oun doureder ap koy nordetikri rig pash o foro Gilgal. O foro Gilgal his čiddo ap i vavar rig o dromestar, hoy djas an i berga Adoummim. Kay berga hi ap koy rig foun i tala, kay o kham pralstounes hi. Oun ko drom, hoy sikras, har dour o them djal, djas foun o foro Gilgal doureder pash o pani En-Shemesh oun pash o pani, hoy kharell En-Rogel,

Josua 24:11

T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

Josua 4:18

Oun har i rashaya kova kran, oun lengre herya ap o them čivan, vas o pani an o Yordan pale oun nashas pale yaake pral i tsele rigya har glan ko tsiro.

Josua 5:10

Oun har i Israelitarya pengre plarhtene khera pre čivan pash Gilgal an o telstouno them, kay o foro Yericho čiddo hi, kote rhan le ap i rati ko rhapen, hoy kharella Passa. Kova his ap o deesh-te-starto dives an ko čon.

Josua 5:9

Oun o baro Devel penas ap o Yosua: “Kava dives lom koy ladj t'mendar krik, hoy ap t'mende vas, har van pandle boudepangre an o them Egiptia.” Doleske kharan le koy platsa Gilgal.

Josua 9:6

Oun yaake djan le ap koy platsa an Gilgal, kay i Israelitarya oun o Yosua his, oun penan ap leste oun ap i Israelengre morshende: “Dran i them dour katar krik vah mer, te krenn t'mer mentsa vin, te krenn kek kourepen mentsa.”

1. Samuel 10:8

Tou djah glan mande tele an Gilgal. Kote kamau pash toute tele te vell, te marap kote firhen o Debleske, saven kay venn tseles rhačedo oun save, hoy rhah mer khetne. Efta divessa ačess tou koy. Palle vau oun penau touke, hoy te kress.”

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.