Josua 3:16 - O Debleskro Lab 2024 (Sinte-Manouche)

¹⁶ ačas o pani, hoy pralstounes lendar his, tardo har i kheer dour pral pash o foro Adam, hoy pash Zaretan čiddo hi. Oun ko pani, hoy telstounes lendar his oun tele an o Londo Baro Pani nashell, kova nashas bouder gar pal oun djas krik. Oun yaake nay djan i tsele menshe ap i vavar rig, pash ko foro Yericho.

O Debleskro Drom 2021 (Sinte)

¹⁶ atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.

Josua 3:16 Iomraidhean Croise

1. Mose 14:3

Kol panč raya kran vin, te rikrenn yon khetne oun van an i tala Siddim. Kova hi kanna o Londo Baro Pani.

1. Rajengro liil 4:12

O Baana, koleskro dad o Ahiloud hi, yob his o pralstouno pral i forya Taanak oun Megiddo, oun pral o tselo them pash o foro Bet-Shean – ko foro his pash o foro Zaretan čiddo, tel o foro Yesreel, mank o foro Bet-Shean oun o foro Abel-Mehola, bis pal o foro Yokneam.

1. Rajengro liil 7:46

O baro ray moukas ko lolo saster tato te krell, oun an phoubyengre forme te čorell an o telstouno them pash o pani Yordan mank kol forya Soukot oun Zaretan.

Debleskri gili 114:3

Har van le pash o baro pani, nashas o pani peske. Har van le pash o pani Yordan, djas o pani pale.

Debleskri gili 114:5

“Tou baro pani, hoy his touha, te nashal touke, oun touha, tou pani Yordan, te djal pale?

Debleskri gili 29:10

O baro Devel hi beshdo pral i panya. O baro Devel hi o baro ray hako tsireske.

Debleskri gili 33:7

Yob rikrell i bare panya khetne har an i gono, oun čivell i bare panya khetne har an i kheer.

Debleskri gili 66:6

Dran o baro pani kras yob i trouk phoub. Yon nay djan mashkral ap i vavar rig. Pral kova givam i barhtyatar.

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

Debleskri gili 77:19

Tou kral bari gole ap o bolepen. Koy yag ap o bolepen kras i rat har te vals dives. I phoub trissas i daryatar.

Debleskri gili 78:13

Yob kras i drom an o baro pani, oun moukas len mashkral ap i vavar rig te djal. Ap kol douy rigya his o pani pral tardo har i kheer.

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

2. Mose 14:22

Koy djan i tsele Israelitarya mashkral o baro pani ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra troul i foro tardo hi.

2. Mose 14:29

Yaake djan i Israelitarya mashkral o baro pani ap i vavar rig. Yon djan ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra, hoy troul i foro tardo hi.

2. Mose 15:8

Tou phourdal tiro dourho, oun o pani hadas pes bares pre, oun ačas tardo har i kheer, oun nashas gar bouder.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Ezekiel 47:8

Oun yob penas ap mande: Kava pani nashell vin an ko kotar them, hoy kote hi, kay o kham pre djal, oun doureder tele an i tala, kay o Yordan nashell, bis te vell lo an o Londo Baro Pani. Oun ko baro pani vell palle sasto.

Nahum 1:4

Yob čingrell ap o baro pani, oun o pani djal krik. Oun kol lengste panya nashenn bouder gar. O zenlepen an o them Bashan oun i rouka ap i berga Karmel merenn tele. Ninna i bloume ap i berga Libanon merenn.

Habakuk 3:8

Baro Devel, his tout i rholi ap i zorele panya? Val tou rhoyedo pral o baro pani, har klissal tou vin tire grayentsa, oun tire kourepangre vourdya zorleder his har hake vavar?

4. Mose 34:3

Ap i čači rig djal t'maro them bis pash o moulo them Tsin oun bis pash o them Edom. I čači rig djal foun o Londo Baro Pani, kotar, kay o kham pre djal,

5. Mose 1:1

Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

5. Mose 3:17

Ap i rig, kay o kham tele djal, djal o them bis pash o lengsto pani Yordan, oun kote foun o pani Génésareth bis pash o Londo Baro Pani, oun bis tella pash i berga Pisga, kote kay o kham pre djal.

Josua 12:3

O Sihon his ninna o ray pral o them, hoy ap koy rig o panyestar Yordan čiddo hi, kay o kham pre djal, foun o pani Génésareth bis pash o Londo Baro Pani, kay o drom pash o foro Bet-Yeshimot djal oun doureder kote, kay o kham pralstounes tardo hi, bis tele pash koy berga, hoy kharell Pisga.

Josua 15:2

Ap koy rig, kay o kham pralstounes tardo hi, sikras i drom, har dour o them djas. Ko drom djas foun o Londo Baro Pani – foun leskro palstouno kotar kote, kay o kham pralstounes tardo hi –

Josua 16:7

Foun o foro Yanoa djas o drom tele pash i forya Atarot oun Naara oun doureder bis pash o foro Yericho, oun foun kotar pash o pani Yordan.

Josua 4:22

Palle penenn t'mer lenge: Har i Israelitarya mashkral o pani Yordan djan, van lengre herya gar sapenes.

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.

Čačepangre 7:22

Oun har kol triin sheel morsha an pengre phourdepangre phourdan, kras o baro Devel, te kouras pes ap i platsa hakeno hakeneha. Oun yon lauter nashan bis pash o foro Bet-Shitta ap o drom pash o foro Zereda, oun ninna bis pash o foro Abel-Mehola pash o foro Tabbat.