Josua 3:1 - O Debleskro Lab 2024 (Sinte-Manouche)

¹ Oun o vavar dives stas o Yosua oun i tsele Israelitarya sik pre, moukan i platsa Shittim pal pende, djan doureder oun van pash o pani Yordan. Kote ačan le i tikno tsiro, bis te nay djan le vergel.

O Debleskro Drom 2021 (Sinte)

¹ Un o wawar diwes stas o Josua un i tsele Israelitarja sik pre, mukan i platsa Shittim pal pende, djan dureder un wan pash o pani Jordan. Kote atchan le i tikno tsiro, bis te nai djan le wergel.

Josua 3:1 Iomraidhean Croise

1. Mose 21:14

Sik taysarlakro stas o Abraham pre, las maro oun i gono pherdo pani oun čivas kova i Hagar ap o phiko, das late ninna o čaves, oun bičras len pestar krik. Koy djas yoy peske oun nashas trouyel an o moulo tato them pash o foro Beersheba.

1. Mose 22:3

Koy stas o Abraham sik taysarlakro pre, kras kasht tikno rhačepaske, čivas ko kasht ap peskri bourika oun las douy boudepangre oun peskro čaves Isaak peha, oun djas kote, kay o Devel leske penas.

Debleskri gili 119:60

Me tradom man, oun krau sik, hoy tou mandar kameh.

Jeremia 25:3

O baro Devel rakras mantsa biish-te-triin bersha, foun ko deesh-te-triinto bersh, kay o Yosia, koleskro dad o Amon his, o baro ray his pral o them Youda, bis kava dives. Oun me penom t'menge leskre laba pale te pale. Oun t'mer kaman len gar te shounell.

Jeremia 7:13

T'mer kran ninna lauter savo koova, penell o baro Devel. Oun me rakrom pale te pale t'mentsa, oun t'mer kaman gar te shounell. Oun me dom t'men gole, oun t'mer penan koy pre či.

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

4. Mose 25:1

Oun i Israelitaryen his pengre plarhtene khera pash o foro Shittim. Kote moukan pen i morsha dren kol čentsa dran o them Moab.

Markus 1:35

Oun taysarlake, glan o dives, stas lo pre, oun djas kote, kay lo kokres hi. Oun kote rakras lo o Debleha.

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Josua 6:12

Oun sik taysarlakro stas o Yosua pre oun i rashaya hidjran pale o morhton, kay o baro Debleskre deesh laba dren his.

Josua 6:15

Oun sik ap o eftato dives, har o kham gomme gar pre djas, stan le pre oun djan yaake har ap kol vavar divessa troul o foro. Kava dives kokres djan le efta kope troul o foro.

Josua 7:16

Oun o Yosua kras pes sik taysarlake pre, oun moukas i tsele Israelitarya yaake glan te vell, te van hako kopo kol menshen khetne glan, kay van pal yekeste kol deesh-te-douy Israeleskre čavendar. Oun kolla, kay van pal o Youda, van vi-rodedo.

Josua 8:10

Oun sik taysarlakro stas o Yosua pre, oun moukas i tsele lourden khetne te kharell. Palle djas yob oun o Israeleskre phoureder glan lende vin pash o foro Ai.

Čačepangre 20:19

Oun i Israelitarya kran pen sik taysarlake ap o drom, oun van khetne glan o foro Gibea,

1. Samuel 17:20

Kote stas o David sik taysarlakro pre, oun moukas i vavares ap i bakre yak te dell. Oun las ko tselo rhapen peha, oun djas koy, yaake har o Isay leske penas. Oun vas pash koy lourdengri platsa ap ko tsiro, har i tsele lourde vin djan hakeno ap peskri platsa o marepaske. Oun yon dan i bari kourepaskri gole.