Josua 24:25 - O Debleskro Lab 2024 (Sinte-Manouche)

²⁵ Yaake kras o Yosua, te dan i Israelitarya o baro Debleske pengro lab, te hi yob lengro Devel. Oun kote an o foro Sichem, das lo len kol čačepaskre laba oun kol vavar laba, hoy sikrenn, hoy o Devel lendar kamell.

O Debleskro Drom 2021 (Sinte)

²⁵ Jaake kras o Josua, te dan i Israelitarja o baro Debleske pengro lab, te hi job lengro Dewel. Un kote an o foro Sichem, das lo len kol tchatchepaskre laba un kol wawar laba, hoi sikrenn, hoi o Dewel lendar kamell.

Josua 24:25 Iomraidhean Croise

1. Mose 35:4

Oun yon dan o Yakobeste pengre tsele deblen dran barra oun kashta, hoy yon an-mangan, oun i tsele kanengre, hoy an lengre kanda his. Oun o Yakob paskras len tel o baro rouk pash o foro Sichem.

2. Rajengro liil 11:17

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella. Ninna moukas lo len i sovel te dell, te rikrenn le hako tsiro pash pengro baro rayes, oun yob pash lende.

2. Familjakro liil 15:12

Oun yon dan pengro lab, te rikrenn le pen ap kova, hoy o baro Devel lengre phourentsa vin kras, te rodenn le les o tselo djiyeha oun i tseli zoryah.

2. Familjakro liil 15:15

Oun i tsele menshe dran Youda his barhtelo pral koy sovel, hoy dan le pengro tselo djiyeha. Oun yon rodan o Debles pengri tseli zoryah. Oun yob moukas pes lendar te hatsell. Oun o baro Devel moukas len an o lačepen te djivell i thementsa troul lende.

2. Familjakro liil 23:16

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella.

2. Familjakro liil 29:10

Kanna hi man an o shero, te pandap man ap o baro Debleste, ko Devel pral o Israel, te djal peske leskri rholi mendar, hoy yaake zorelo ap mende čiddo hi.

2. Mose 15:25

Koy das lo gole ap o baro Debleste. Oun o baro Devel sikras les i kotar kasht. Kova vitsras lo an o pani, oun o pani vas lačo. Kote das o baro Devel len laba, hoy sikrenna, hoy lo lendar kamell, oun har te djivenn le an leskro čačepen. Oun kote kamas lo ninna te dikell, te shounenn le ap leste.

2. Mose 24:3

Oun o Mose vas pash i menshende oun penas lenge hako lab, hoy o baro Devel penas, kol tsele laba, hoy penenn, hoy yob lendar kamella. Oun i tsele Israelitarya penan har dran yek mouy: “Lauter, hoy o baro Devel penas, kamah mer te krell.”

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

Josua 24:1

Oun o Yosua moukas menshen dran haki bari familya, kay van kol deesh-te-douy čavendar o Yakobestar pash peste an o foro Sichem khetne gole te dell, i phoureden, i pralstunen pral i bare familye, i čačepangre morshen, oun vavar pralstunen. Oun yon van khetne glan o Debleste.

Josua 24:26

Oun o Yosua činas kal tsele laba an o liil, hoy sikrell o Debleskro drom. Oun yob las i baro bar oun čivas les koy tardo, tel ko baro rouk, hoy pash o baro Debleskro plarhteno kheer tardo his.