Josua 24:11 - O Debleskro Lab 2024 (Sinte-Manouche)

¹¹ T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

O Debleskro Drom 2021 (Sinte)

¹¹ Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

Josua 24:11 Iomraidhean Croise

1. Mose 15:19

Oun kolla, kay an kava them khere hi, dau me an tiro vast: i Kenarya, i Kenasarya, i Kadmonarya,

Debleskri gili 105:44

Yob das len o them vavar menshendar, oun halauter, hoy kolen his, das lo lende, te vell kova lengro.

Debleskri gili 114:3

Har van le pash o baro pani, nashas o pani peske. Har van le pash o pani Yordan, djas o pani pale.

Debleskri gili 114:5

“Tou baro pani, hoy his touha, te nashal touke, oun touha, tou pani Yordan, te djal pale?

2. Mose 13:5

O baro Devel das pes sovel glan t'mare phourende, te dell lo t'men ko them, kay djivenn kanna i Kanaanitarya, i Hetarya, i Amorarya, i Hivarya oun i Yebousarya. Kova hi i them, kay hi boud thoud oun gvin dren. Ap ko tsiro, kay anas t'men o baro Devel an ko them, krenn pale yaake hako bersh an o čon Abib:

2. Mose 23:23

Ava, miro bolepaskro djal glan toute oun anell tout an o them, kay djivenna i Amorarya, i Hetarya, i Perisarya, i Kanaanitarya, i Hivarya oun i Yebousarya. Oun me dau len temerl.

2. Mose 23:28

I Hivarya, i Kanaanitarya oun i Hetarya nashenn i daryatar glan toute penge, te veh tou pash lende.

2. Mose 23:31

Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

2. Mose 3:17

Me dau miro vast pre: Kava djoungelo djipen herell pes pre. Me, o baro Devel, lau t'men dran o them Egiptia vin, oun anau t'men an ko them, kay djivenna i Kanaanitarya, i Hetarya oun i Amorarya, i Perisarya, oun i Hivarya oun i Yebousarya. Oun kova hi i them, kay hi boud thoud oun gvin.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

2. Mose 33:2

Oun me bičrau i bolepaskro. Kova djal glan t'mende. Oun me tradau i vavar menshen an kava them vin: i Kanaanitarya, i Amorarya, i Hetarya, i Perisarya, i Hivarya oun i Yebousarya.

Bičepangre 13:19

Palle tradas yob efta natsyone dran ko them Kanaan vin, oun das kava them mare menshende.

Bičepangre 7:45

Mare phoure hidjran kava kheer lentsa, bis te anas len o Yosua an o them Kanaan. Kote djivan vavar menshe, kay o Debles gar prindjrenna. Kolen tradas o Devel vin, oun das ko them mare phourende. O Debleskro tikno kheer dran firhengre balla ačas an o them Kanaan oun his gomme koy, har o David o baro ray vas.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

Josua 4:1

Oun har i tsele menshe ap i vavar rig o panyestar Yordan his, koy penas o baro Devel ap o Yosua:

Josua 4:19

Kova his o deshto dives an o glanstouno čon, har i Israelitarya ap i vavar rig o panyestar Yordan van. Oun yon čivan pengre plarhtene khera pre ap i platsa, hoy kharella Gilgal. Kay platsa hi pash o foro Yericho ap koy rig, kay o kham pre djala.

Josua 4:23

T'maro baro Devel moukas o Yordan glan t'mende trouk te vell, bis te djan halauter vergel. Yaake har o baro Devel kova ninna o Baro Lolo Panyeha kras.

Josua 9:2

Oun yon van halauter khetne, te djan le khetne an o kourepen khatar o Yosua oun o Israel.