Josua 23:7 - O Debleskro Lab 2024 (Sinte-Manouche)

⁷ Ma čivenn t'men khetne kol vavar menshentsa, kay gomme an kava them djivenn. Lengre deblen denn gar an-gole! Ma denn t'men sovel pash lende! Ma anenn lenge firhen oun vavar koova! Ma vitsrenn t'men tele glan lende!

O Debleskro Drom 2021 (Sinte)

⁷ Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!

Josua 23:7 Iomraidhean Croise

2. Rajengro liil 17:12

Yon mangan i moule deblen an, ninna te penas o baro Devel lenge: “Ma krenn kova!”

2. Rajengro liil 5:18

Hi yek koova, hoy nay krau gar yaake: Te djal miro baro ray an o kheer peskro deblestar Rimmon, te mangell lo les an, palle čivell lo pes ap miri moussi, oun me mangau les ninna an. Palle mou lell o baro Devel koy doosh mandar krik!”

2. Familjakro liil 7:19

Te moukenn t'mer miro drom, oun rikrenn t'men gar ap mire laba oun miro čačepen, hoy me t'menge dom, oun djan pash vavar debla, oun mangenn len an, oun vitsrenn t'men glan lende tele ap i phoub,

Debleskri gili 16:4

Boud hi i douka kolendar, kay nashenn i vavar debleske palla. Me kamau kol rhorhene deblenge kek rat vin te čorell. Vitar gar kamau lengro lab an miro mouy te lell.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 23:13

Denn yak oun rikrenn ap lauter, hoy me t'menge penom! Ma mangenn vavar deblen an! Lengre laba hounte venn gar dran t'mare mouya vin!

2. Mose 23:33

Moukenn len gar t'mentsa khetne an t'maro them te djivell! Te krans le kova, nay anans le t'men yaake dour, te mangenn t'mer lengre deblen an oun shounenn bouder gar ap mande. Oun kova vals t'maro merepen.

Gosewe laba 4:14

Ma dja ap o drom, kay i čilače djan! Ma kre har yon!

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

Jeremia 5:7

Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

Hosea 2:17

Kote dau late pale lakro drakengro them, oun koy tala Akor vell lake har i baro voudar, pal koleste lake o kham pre djal. Oun kote nashell li pale kamles pal mande, har an ko tsiro, kay li terno his, har an ko tsiro, kay li dran o them Egiptia djas.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

4. Mose 32:38

Nebo, Baal-Meon oun Sibma oun dan kol foryen, kay yon kran, neve laba.

4. Mose 33:55

Te tradenn t'mer gar kol menshen krik, kay djivenn an ko them, palle doukrenn t'men kolla, kay t'mer djido moukan, har i kasht an o yak, oun har i čoupni, kolah i groumni glan tradedo vell. Oun yon krenn t'menge o djipen phares an ko them kay t'mer djivenna.

1. Korintarja 15:33

Ma patsenn, kay lengro čačo hi! Ma krenn kova, hoy yon krenna!

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

5. Mose 6:14

Ma dja vavar deblenge palla, kolen i menshe dran i themma troul t'mende, an-mangenn.

Josua 23:12

Te rissrenn t'mer t'men lestar tele, oun čivenn t'men kol vavar menshentsa khetne, kay gomme an kava them djivenn, oun romedinerenn len,

Josua 23:8

O baro Devel hi t'maro Devel. Ap leste rikrenn t'men, yaake har ap leste rikran bis ap kava dives.