Josua 23:15 - O Debleskro Lab 2024 (Sinte-Manouche)

^15-16 Oun yaake har ko tselo lačo lab čačo vas, hoy t'maro baro Devel ap t'mende penas, yaake hi kova ninna kol čilače labentsa. Te rikrenn t'men gar ap kova, hoy t'maro baro Devel t'mentsa vin kras, oun djan pash vavar debla, oun mangenn len an, palle vell o baro Debleskri rholi pral t'mende. Oun sik ačell bouder kek t'mendar djido an kava lačo them, hoy t'maro baro Devel t'men das.

O Debleskro Drom 2021 (Sinte)

^15-16 Un jaake har ko tselo latcho lab tchatcho was, hoi tumaro baro Dewel ap tumende penas, jaake hi kowa ninna kol tchilatche labentsa. Te rikrenn tumen gar ap kowa, hoi tumaro baro Dewel tumentsa win kras, un djan pash wawar debla, un mangenn len an, palle well o baro Debleskri choli pral tumende. Un sik atchell buder kek tumendar djido an kau latcho them, hoi tumaro baro Dewel tumen das.

Josua 23:15 Iomraidhean Croise

1. Rajengro liil 14:15

Oun o baro Devel dell i menshende Israel dava, te trissenn le, har trissell i shilftikro khass an o pani. Oun o baro Devel tserdell i Israelitaryen vin dran kava lačo them, hoy das yob lengre phourende. Oun i Israelitarya venn tradedo ap i vavar rig o panyestar Eufrat. Yon rhoyran o baro Debles, har kran le penge save figure, hoy sikrenn i debletsa Ashera.

1. Rajengro liil 8:56

Sharedo vell o baro Devel! Yob das peskre menshende i kotar phoub, kay mer nay djivah kek daryah, yaake har yob kova penas. Leskre tsele lače laba rikras yob, har yob penas menge dran o mouy o Mosestar, koles leskro čačo vast his.

Jesaja 24:6

Doleske rhal i bibarht i tseli phoub pre. Oun kolla, kay koy djivenn, lenn pengri phagi. Boud oun boudeder merenn. Oun gar boud ačenn djido.

Jeremia 32:24

I Babilonarya hi troul o foro tardo, oun čivan phoub pre, te krenn le i drom, te nay djan le an o foro dren. Kava drom djal bis pash o foreste. Sik hounte perell o foro an lengre vasta. Oun i menshendar koy dren merenn boud i bokatar oun ap o djoungelo nasslepen. Oun vavar venn maredo o rhareha. Yaake har tou kova penal, yaake vas ninna; tou nay dikeh kokres, har hi.

Jeremia 32:42

Kova penell o baro Devel: Yaake har me pral kal tsele menshende kay bari bibarht anom, yaake moukau ninna ko tselo lačepen pral lende te vell, kay me lenge penom.

Jeremia 35:17

Doleske penell o baro Devel, ko ray pral o bolepen oun i phoub, kay o Israeleskro Devel hi: Me rakrom t'mentsa, oun t'mer kaman gar ap mande te shounell. Me dom t'men gole, oun t'mer rakran gar mantsa. Doleske anau pral o them Youda oun pral i tsele menshende an o foro Yerusalem koy tseli bibarht, doleske me len trad dom.

3. Mose 26:3

Te djivenn yaake, har me t'mendar kamau oun rikrenn kova hoy me penom,

1. Tessalonikarja 2:16

Yon moukenn men gar, te penas mer o lačo lab i vavarenge, kay kek bibolde hi, te nay venn kolla ninna ap o Debleskro drom. Yaake vas i biboldengri doosh yaake baro, bareder djal gar. Oun o Debleskri rholi vas zoreles pral lende.

Čačepangre 13:1

Oun i Israelitarya kran pale, hoy čilačes hi glan o baro Debleskre yaka. Oun o baro Devel das len an i vasta i Filistarendar. Oun kolla his i raya pral lende star-desha bersha.

Čačepangre 3:12

Oun i Israelitarya kran pale kova, hoy čilačes his an i yaka o baro Deblestar. Doleske kras o baro Devel o baro rayes pral o them Moab zorelo, te djal yob ap o Israel. Ko baro ray kharas Eglon.

Čačepangre 3:8

Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.

Čačepangre 6:1

Oun i Israelitarya kran, hoy čilačes hi glan o baro Debleskre yaka. Doleske das o baro Devel len efta bersha an o vast kol menshendar, kay kharenna Midianarya.