Josua 23:13 - O Debleskro Lab 2024 (Sinte-Manouche)

¹³ palle djinenn, palle tradell o baro Devel gar bouder kal vavar menshen glan t'mende vin dran o them. Oun yon venn t'menge har dorya oun netse, an kolende t'mer tapedo venn, oun har čoupnia ap t'mare dume, oun doukrenn t'men har i kasht an o yak. Kova djal yaake dour, bis te kek t'mendar bouder an kava lačo them hi, hoy t'maro baro Devel t'men das.

O Debleskro Drom 2021 (Sinte)

¹³ palle djinenn, palle tradell o baro Dewel gar buder kal wawar menshen glan tumende win dran o them. Un jon wenn tumenge har dorja un netse, an kolende tumer tapedo wenn, un har tchupnia ap tumare dume, un dukrenn tumen har i kasht an o jak. Kowa djal jaake dur, bis te kek tumendar buder an kau latcho them hi, hoi tumaro baro Dewel tumen das.

Josua 23:13 Iomraidhean Croise

1. Rajengro liil 11:4

Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

2. Rajengro liil 17:18

Kote vas o baro Devel rhoyedo pral i Israelitarya, oun čivas len krik glan leskre yaka, yaake kay ačan kokres menshe dran o kheer Youda pral.

2. Rajengro liil 17:20

Doleske vitsras o baro Devel kol tsele menshen Israel ap i rig, oun kras lengro djipen phares, oun das len an i vasta kol menshendar, kay lendar čoran, bis te his le dour lestar krik tradedo.

2. Rajengro liil 25:21

Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

2. Rajengro liil 25:26

Oun i daryatar glan i Babilonarya kran pen i tsele menshe an o them ap o drom, tikne oun bare. Oun i pralstoune lourde his ninna pashel. Oun yon nashan penge an o them Egiptia.

Debleskri gili 69:22

Yon dan man i shoutlo rhapen, oun har his man troush, dan le man shout te piyell.

2. Mose 10:7

Kote penan i pralstoune ap o Farao: “Har rah anell kava morsh gomme bibarht pral mende? Mouk kol menshen te djal, te mangenn le lengro baro Debles an. Hayveh tou gar, te djal i tseli Egiptia nashedo?”

2. Mose 23:33

Moukenn len gar t'mentsa khetne an t'maro them te djivell! Te krans le kova, nay anans le t'men yaake dour, te mangenn t'mer lengre deblen an oun shounenn bouder gar ap mande. Oun kova vals t'maro merepen.

2. Mose 34:12

Ma avenn mala kol menshenge an ko them, kay t'mer venna! Te vans lengre mala, nay anans le t'men miro dromestar tele.

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

Ezekiel 28:24

I themma troul o them Israel dikenn kanna gomme tele ap o Israel oun doukrenn les. Yon hi i Israelenge har i soubya i soubyengre bourrendar. I tsiro vell, kay hi kova bouder gar yaake. Palle dikenn i menshe, te hom me, o baro Devel, lengro ray.

4. Mose 33:55

Te tradenn t'mer gar kol menshen krik, kay djivenn an ko them, palle doukrenn t'men kolla, kay t'mer djido moukan, har i kasht an o yak, oun har i čoupni, kolah i groumni glan tradedo vell. Oun yon krenn t'menge o djipen phares an ko them kay t'mer djivenna.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

5. Mose 29:28

Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.

5. Mose 30:18

palle penau me t'menge kava dives: T'mer djivenn gar i rah tsiro an ko them vergel o pani Yordan, an koleste t'mer djan, te lenn les t'menge dren.

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

2. Timoteo 2:26

Yaake venn yon pale dran o bengeskre vasta vin, kay yon pandlo his. O beng tapras len, te kran le kova, hoy yob kamella.

Čačepangre 2:21

Doleske tradau me ninna kanna bouder gar kol vavar menshen dran kava them vin, kay pral ačan, har o Yosua meras.