Josua 23:12 - O Debleskro Lab 2024 (Sinte-Manouche)

¹² Te rissrenn t'mer t'men lestar tele, oun čivenn t'men kol vavar menshentsa khetne, kay gomme an kava them djivenn, oun romedinerenn len,

O Debleskro Drom 2021 (Sinte)

¹² Te rissrenn tumer tumen lestar tele, un tchiwenn tumen kol wawar menshentsa khetne, kai gomme an kau them djiwenn, un romedinerenn len,

Josua 23:12 Iomraidhean Croise

1. Mose 2:24

Doleske moukella i rom peskro dades oun peskri dat oun djala peskri romyah. Oun yon venna yek.

1. Mose 34:3

Oun yob kamas lat o djiyestar oun rakras lače labentsa ap late.

1. Rajengro liil 11:2

Kolla his save menshendar, kolendar o baro Devel ap i Israelitarya penas: “Ma moukenn t'men lentsa dren, oun yon hounte moukenn pen gar t'mentsa dren. Yon tserdans t'mare djia pash lengre deblende.” Ap kal djouvyende nashras o Salomo peskro dji.

1. Rajengro liil 11:4

Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 36:3

An peskre yaka hi kova yaake shoukar, hoy lo krella, te hayvell lo gar, kay kova i doosh hi, kay hounte rikrals pes lo latar pale.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Ezekiel 18:24

I lačo morsh, te moukell yob peskro lačo drom, oun krell kanna o čilačepen, oun ko tselo djoungelo koova, hoy ko čilačo kras, ačell lo djido? Na-a! Ko tselo lačo oun čačo koova, hoy lo kras, vell bistedo. Yob moukas o Debleskro drom oun anas doosh ap peste. Doleske hounte merell lo.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Mateo 12:45

Koy rodell lo peske vavar efta benga, kay čilačeder hi har yob. Oun yon djan an ko mensheste dren, oun djivenn an leste. Yaake hi ko mensheha djoungleder har glan kava tsiro. Oun yaake djal ninna kal čilače menshenge, kay kanna djivenna.

Johanni 6:66

Ap ko tsiro tserdan pen boud kolendar pale, kay leske palla djan, oun djan bouder gar leha.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

5. Mose 6:15

Tiro baro Devel hi mank t'mende oun kamell te kamess les kokres. Te rikreh gar pash leste, vell leskri rholi pral toute, oun yob lell tout krik i phoubyatar.

5. Mose 7:3

Ma romedinerenn kek lentsa! T'mare čen denn gar lengre morsh čavende! Oun lengre čen lenn gar t'mare morsh čavenge, te romedinerenn le len.

5. Mose 7:4

Kol ča anens t'mare morsh čaven o baro Debleskro dromestar tele, yaake te mangens le vavar deblen an. Palle vals o baro Debleskri rholi pral t'mende, oun sik marals yob t'men.

Josua 23:11

Doleske denn yak koy pre, – djal t'maro djipaske – te kamenn t'maro baro Debles o tselo djiyestar!

1. Johanni 2:9

Koon penella: “Me djivau o Debleha,” oun krell peskro phraleske čilačepen, kova djivell gomme an o čilačepen. Kova hi yaake, har te djivell lo an i kali rat.

Čačepangre 14:3

Kote penas leskro dad oun leskri day ap leste: “Hi mank tire tsele menshende kek čay touke? Hatseh kek romni mank i tsele Israelitarya, te hounte djas tou pash i Filistarya, oun less touke i romni kolendar, kay gar činlo hi ap pengro mass?” O Simson penas ap peskro dad: “Koya le mange! Yoy hi i shoukar an mire yaka.”

Čačepangre 3:6

Oun i Israelitarya lan penge lengre čen oun romedineran len. Oun yon dan pengre čen lengre čavende, oun mangan lengre deblen an.