Josua 23:10 - O Debleskro Lab 2024 (Sinte-Manouche)

¹⁰ Yek morsh t'mendar tradell yek-sero morshen. T'maro baro Devel, yob hi kova, kay kourell pes t'menge lentsa, yaake har lo penas.

O Debleskro Drom 2021 (Sinte)

¹⁰ Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

Josua 23:10 Iomraidhean Croise

2. Samuel 23:8

Kalla hi kol laba o Davideskre zorele morshendar: O Yishbaal kol menshendar Hakmoni, ko pralstouno kol trinendar. Kova das peskro rhareha 800 (orhta-sheel) lourden ap yek kopo moulo.

1. Familjakro liil 5:20

Oun i lourde dran i khera Ruben oun Gad oun Manasse dikan ap o baro Debleste oun dan gole ap leste, te vell lo lenge ap i rig. Oun yob shounas ap lende, oun das i Hagararya an lengre vasta oun lauteren, kay pash lende his.

1. Familjakro liil 5:22

Ninna ačan boud maredes čiddo. Kava kourepen vas o Deblestar. Oun i Israelitarya djivan an lengro them ap lengri phoub bis te van le pandles krik anlo.

Debleskri gili 35:1

I gili o Davidestar. Baro Devel, le miro koova an tiro vast oun činge kolentsa, kay mantsa čingrenna! Koure tout kolentsa, kay kourenn pen mantsa!

Debleskri gili 46:7

Yob te dell gole, darenna i menshe an i vavar themma, oun bare rayenge vell i zoor krik lino pral pengre themma. I tseli phoub trissella i daryatar.

2. Mose 14:14

O baro Devel kourell pes t'menge. T'mer hounte krenn či.”

Jesaja 30:17

I zero morsha t'mendar nashenn penge glan yekeste, kay peskro mouy pre krell oun penell Kanna lenn t'mare dava. Ava, glan panč savendar nashenn t'mer lauter krik. T'mare tsele lourdendar ačell či pral har koy plarhta ap i kasht, hoy pre tardo čivan pral ap i berga, te dikenn le lat foun doural.

3. Mose 26:7

T'mer lenn kolenge palla, kay kamenn pen t'mentsa te kourell, oun t'mer denn len o rhareha moulo.

3. Mose 26:8

Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

5. Mose 20:3

“Morshale dran Israel, shounenn! T'mer djan kava dives an o kourepen, te kourenn t'men kolentsa, kay kamenn t'men gar an o them. Avenn zorelo! Ma darenn lendar! Oun ma moukenn t'men traash te krell!

5. Mose 20:4

T'maro baro Devel hi kova, kay djal t'mentsa oun kourell pes t'menge lentsa. Yob hi ap t'mari rig.”

5. Mose 28:7

O baro Devel dell kolen, kay hadenn pen pral t'mende, te kourenn le pen t'mentsa. Ap yek drom venn le, te djan le ap t'mende, oun ap hake rigya hounte nashenn le penge t'mendar.

5. Mose 3:22

Ma dare lendar! T'maro baro Devel hi kova, kay kourell pes t'menge.”

5. Mose 32:20

Oun yob penas peske: Me rikrau man pale lendar, kamau te dikell, har lentsa doureder djal, kolentsa, kay pal pengro shero djan, oun či bouder mandar kamenn te djinell.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.

Josua 23:11

Doleske denn yak koy pre, – djal t'maro djipaske – te kamenn t'maro baro Debles o tselo djiyestar!

Josua 23:3

Oun t'mer dikan halauter, hoy t'maro baro Devel kol tsele thementsa kras t'menge. Yob hi kova, kay pes t'menge lentsa kouras.

Čačepangre 15:15

Oun yob hatsas i mouyeskro kokalo i mouli eslatar, las les an o vast oun das leha 1.000 (yek zero) morshen moulo.

Čačepangre 3:31

Oun pal leste vas o Shamgar o čačepaskro morsh. Koleskro dad his o Anat. Oun o Shamgar das 600 (shob-sheel) Filistaryen moulo savo kashteha, koleha yek i groumyen tradell. Oun ninna yob las i Israelitaryen vin dran o vast kolendar, kay lenge o djipen phares kran.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”