Josua 22:9 - O Debleskro Lab 2024 (Sinte-Manouche)

⁹ Kote djan i morsha dran i familya Ruben oun dran i familya Gad oun dran i paash familya Manasse penge pengre phralendar, kol vavar Israelitaryen. An o foro Shilo, hoy an o them Kanaan čiddo hi, kran le pen ap o drom, te djan le khere an o them Gilead. Kote his ko kotar them, hoy lenge dino vas, te vell lo lengro, yaake har o baro Devel ap o Moseste penas.

O Debleskro Drom 2021 (Sinte)

⁹ Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

Josua 22:9 Iomraidhean Croise

2. Samuel 2:9

oun kras, te vell yob baro ray pral i themma Gilead, Asser, Yesreel, Efrayim, Benyamin oun pral o tselo Israel.

1. Familjakro liil 5:9

Oun kote, kay o kham pre djala djivan le bis an o moulo them dren, hoy pash o lengsto pani Eufrat čiddo hi. Len his boud firhe an o tselo them Gilead.

Debleskri gili 60:7

Ab ap mari rig tiro zorelo vasteha oun le men, tire malen, vin! Shoun, har dah ap toute gole!

4. Mose 32:1

I menshen dran o kheer Ruben oun dran o kheer Gad his boud firhe. Oun yon dikan, te hi lačo zenlepen i firhenge an ko them Yaser oun Gilead.

4. Mose 32:20

O Mose penas ap lende: “Te kamenn t'mer kova čačepah te krell, palle lenn t'mare rhare oun hoy t'men hounte vell kourepaske, oun djan an o kourepen glan o baro Debleste!

4. Mose 32:22

oun bis te hi lo o ray pral ko them. Koy pal nay djan t'mer pale pale, oun kek doosh lan t'mer ap t'mende glan o baro Debleste oun glan Israel. Oun o them ap kay rig kate vell t'mende dino glan o baro Debleste.

4. Mose 32:26

“Mare čave oun djouvya, halauter hoy men hi, oun mare tsele firhe ačenn an kol forya an o them Gilead.

4. Mose 32:29

“Te djan i morsha dran o kheer Gad oun dran o kheer Ruben t'mentsa vergel o Yordan, oun kourenn pen yaake rah glan o baro Debleste, bis te ko them t'menge hi, yaake denn lende ko them Gilead, te vell kova lenge.

5. Mose 3:18

An ko tsiro penom i morshenge dran kol familya Ruben, Gad oun Manasse: “T'maro baro Devel das t'men kava them, te lenn les t'menge dren. Kanna lenn t'maro kourepaskro koova oun djan t'mare phralenge, kol vavar Israelenge glan vin.

5. Mose 3:20

T'mer kourepangre, avenn t'mare phralenge pash o vast yaake rah bis te lan le ko them dren, hoy o baro Devel len della ap i vavar rig o panyestar Yordan, oun bis te moukell lo len kote te djivell kek kourepah, yaake har yob ninna t'menge kras. Palle nay djan t'mer pale an t'maro them, hoy t'mende dom.”

5. Mose 34:1

Oun o Mose djas dran o telstouno them, kay i Moabarya djivenn, oun djas pre ap i berga Nebo, bis pral pre ap ko pralstouno kotar, hoy kharell Pisga oun hi čiddo ap i vavar rig o forestar Yericho. Oun o baro Devel moukas les kote o tselo them te dikell: o them Gilead oun doureder pre bis pash o them Dan,

Josua 13:11

o them Gilead; oun ko them, kay djivenn i Geshourarya oun i Maakatarya; oun i tsele berge, hoy kharenn Hermon; oun ko tselo them Bashan bis pash o foro Salka;

Josua 13:25

Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.

Josua 13:31

Oun o paash kol familyendar dran o kheer Makir – koleskro dad o Manasse his – kolen das o Mose o paash them Gilead. Kote hi kol forya Astarot oun Edrei čiddo, kay o ray pral Bashan, o Og, djivas.

Josua 22:10

Oun har van le pash i khetne čidde barra pash o pani Yordan, gomme an o them Kanaan, čivan le barra pre oun kran i baro altaro.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

Čačepangre 5:17

Oun i morsha dran o Gilead ačan ap i vavar rig o panyestar Yordan. Oun o Dan? Hoy krell yob? Pash peskre shiffe ačell yob. Pash o baro pani djivell o Asser. Oun kote ačas lo ninna beshdo.