Josua 22:6 - O Debleskro Lab 2024 (Sinte-Manouche)

⁶ Oun o Yosua rakras o Debleskri barht pral lende vin, oun penas: “Ačenn o Debleha.” Oun yon djan khere.

O Debleskro Drom 2021 (Sinte)

⁶ Un o Josua rakras o Debleskri bacht pral lende win, un penas: “Atchenn o Debleha.” Un jon djan khere.

Josua 22:6 Iomraidhean Croise

1. Mose 14:19

Oun yob sharas o Abrames oun penas: “Tou, Abram, ap toute hi čiddo i zoor oun i barht ko Deblestar, kay hi o Devel pral halauter oun kras o bolepen oun i phoub.

1. Mose 47:10

Oun o Yakob penas ap o baro rayeste: “Ač mo Debleha!” oun djas lestar.

1. Mose 47:7

O Yosef anas peskro dades, o Yakobes, glan o baro rayeste. Oun o Yakob penas ap leste: “Lačo dives! Mou dell tout o Devel peskri zoor oun barht!”

2. Samuel 6:18

Oun pal kova rakras lo pral i menshende i barht o baro Deblestar vin, kay o ray pral o bolepen oun i phoub hi.

2. Samuel 6:19

Oun yob das hako menshes, kay kote hi, morshen oun djouvyen, hakenes, yek maro, yek kotar mass oun yek drakengri merkli. Koy pal djan i tsele menshe khere, hakeno an peskro kheer.

2. Samuel 6:20

Oun o David vas khere, te penell lo peskre menshenge lačo dives oun te poučell lo lendar, har lenge djala. Oun i Mikal, o Sauleskri čay, djas vin pash leste, oun penas: “Havo raylepen his ko baro rayes pral Israel kay dives, har rivas yob pes vin glan kol djouvyende, kay leskre pralstunenge boudrenn, yaake har pen kol vi-ladjede menshe vi-rivenna!”

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

2. Familjakro liil 30:18

Boud kol menshendar dran i khera Efrayim, Manasse, Issakar oun Zabulon, kran pen gar djoudjo oun rhan ko rhapen Passa gar yaake, har glan-činlo his. Doleske mangas o Hiskiya o baro Debles lenge oun penas: “Tou, baro Devel, ko Devel mare phourendar, hal lačes menge, me mangau tout, ab kamles halauterenge, kay rodenn tout o tselo djiyeha, tout, o baro Debles, ninna te kran le pen gar yaake djoudjo touke, har hounte krans le!”

2. Mose 39:43

Oun o Mose dikas kova lauter oun hayvas, yon kran lauter yaake har o baro Devel penas. Oun yob rakras o Debleskri barht pral lende vin.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Louka 24:50

Oun yob djas pash o gab Betani peskre malentsa. Koy hadas lo peskre vasta oun penas: “O Devel ačell t'mentsa!”

Josua 14:13

Kote rakras o Yosua o Debleskri barht pral o Kaleb vin, koleskro dad o Yefunne his, oun das les o foro Hebron, te vell lo leskro.

Josua 24:28

Oun o Yosua moukas i tsele menshen khere te djal, hakenes an ko them, hoy les dino vas.

1. Samuel 10:25

Oun o Samuel penas i menshenge, havo čačepen o baro rayes hi. Oun kova činas lo an i liil, oun čivas les glan o baro Debleste. Palle bičras lo hakenes khere.

1. Samuel 13:2

Oun o Saul rodas peske 3.000 (triin-zerya) morshen vin. 2.000 (douy-zerya) lendar his pash leste an o foro Mikmas oun ap i berge pash Betel. Oun 1.000 (yek zero) morsha his peskro čaveha, o Yonatan, pash o foro Gibea an o them Benyamin. Kol tsele vavar bičras lo khere.

1. Samuel 2:20

Oun o Eli rakras barht pral o Elkana oun leskri romni vin, oun penas: “O baro Devel dell tout vavar čave kay romyatar ko čaveske o Samuel, koles yoy peske o baro Deblestar mangas.” Oun yon djan penge pale khere.