Josua 22:19 - O Debleskro Lab 2024 (Sinte-Manouche)

¹⁹ Te hi t'maro them t'menge pale-čiddo, palle avenn vergel, oun lenn t'maro kotar them pash mende an o them o baro Deblestar, kay leskro kheer tardo hi! Kote hi maro baro Debleskri rhačepaskri tardo. Ma krenn i vavar altaro! Koleha hadans t'men pral o baro Debleste oun ninna pral mende.

O Debleskro Drom 2021 (Sinte)

¹⁹ Te hi tumaro them tumenge pale-tchiddo, palle awenn wergel, un lenn tumaro kotar them pash mende an o them o baro Deblestar, kai leskro kheer tardo hi! Kote hi maro baro Debleskri chatchepaskri tardo. Ma krenn i wawar altaro! Koleha hadans tumen pral o baro Debleste un ninna pral mende.

Josua 22:19 Iomraidhean Croise

2. Familjakro liil 11:13

Oun i rashaya oun i Levitarya, kay an o tselo them Israel his, van ap leskri rig oun rikran pen ap leste.

2. Mose 15:17

Tou aneh len ap i berga, hoy tou touke vin rodal, kote, kay tou khere hal, te djivenn le pash toute. Koya berga hi tiro kheer, baro Devel, hoy tou touke tire vastentsa kral, te vess kote sharedo.

Daniel 10:13

Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Josua 22:11

Oun i tikno tsiro pre shounan i vavar Israelitarya: Kol morsha dran i familya Ruben oun dran i familya Gad oun dran i paash familya Manasse kran i altaro pash o pani Yordan an o them Kanaan, ap koy rig o themestar Israel.