Josua 21:8 - O Debleskro Lab 2024 (Sinte-Manouche)

⁸ Yaake dan i Israelitarya i Levitaryen kal forya oun phoub, kay lengre firhe nay rhan, yaake har i barra peran, oun yaake har o baro Devel kova o Moseske penas, te krenn le.

O Debleskro Drom 2021 (Sinte)

⁸ Jaake dan i Israelitarja i Levitarjen kal forja un phub, kai lengre vieche nai chan, jaake har i barra peran, un jaake har o baro Dewel kowa o Moseske penas, te krenn le.

Josua 21:8 Iomraidhean Croise

1. Mose 49:5

O Simeon oun o Levi hi phrala. Lengre rharentsa maran le.

1. Mose 49:7

Lengri rholi rhačrell sik baro. An lengri rholi krenn le savo čilačo dareno koova. Doleske venn le praasedo! Kamau te venn le yaake tradedo, te ačenn le bouder gar khetne an Israel. Ava, kate te kote an o tselo them hounte djivenn lengre čaven, kay pal lende venna.

Gosewe laba 16:33

O mensho vitsrell tikne kashta, te djinell lo, hoy te krell. Har le perenn, kova vell o baro Deblestar.

Gosewe laba 18:18

Te čingrenn pen douy zorele, oun tikne kashta venn vitsedo, te vell diklo, kones čačo hi, djal o čingepen krik, oun yon moukenn pendar tele.

4. Mose 32:2

Koy van le pash o Moseste oun ko rashayeste Elazar oun pash kol pralstunende pral i Israelitarya, oun penan ap lende:

4. Mose 33:54

Oun t'mer hounte denn hakenes i kotar them. Vitsrenn i barhtyakre barra, te hatsenn vin, have menshe havo kotar them lenna. Kal familyen, kolen boud menshe hi, hounte denn boud them. Oun kol familyen, kolen gar boud menshe hi, hounte denn gar yaake boud.

4. Mose 35:3

te hi len forya, kay djivenn le oun them lengre firhenge, kay lengre groumya, bakre oun vavar firhe nay rhana.

Josua 18:6

T'mer činenn an i liil, foun kay bis kay kol efta kotya them djana. Oun te kran kova, palle anenn mange, hoy pre činan! Oun me vitsrau glan maro baro Debleste i barra, hoy sikrenn, koon hoy lella.

Josua 21:3

Kote dan i Israelitarya i Levitaryen forya oun kotya phoub i firhenge ko themestar, hoy lenge dino vas, yaake har o baro Devel penas, te krenn le kova.

Josua 21:7

Oun kol familye dran o kheer Merari lan 12 (deesh-te-douy) forya an i themma Ruben, Gad oun Zabulon.

Josua 21:9

Har i barra vitsedo van, peran le glanstounes ap i Levitarya dran o kheer Kohat, kolengro phouro dad o Aron his. An o them Youda oun Simeon lan le kol forya: