Josua 21:7 - O Debleskro Lab 2024 (Sinte-Manouche)

⁷ Oun kol familye dran o kheer Merari lan 12 (deesh-te-douy) forya an i themma Ruben, Gad oun Zabulon.

O Debleskro Drom 2021 (Sinte)

⁷ Un kol familje dran o kheer Merari lan 12 (deesh-te-dui) forja an i themma Ruben, Gad un Sebulon.

Josua 21:7 Iomraidhean Croise

1. Familjakro liil 6:62

Kolla, kay ačan pral i menshendar dran o kheer Merari lan kol forya khetne i phoub trouyel i firhenge: an o them Zabulon: Rimmon oun Tabor;

1. Familjakro liil 6:63

an o them Ruben, ap i vavar rig o panyestar Yordan, vergel o foro Yericho, kote, kay o kham pre djala: o foro Bezer an o moulo them, oun o foro Yahaz;

2. Mose 6:19

O Merari, les his čave. Kolla hi: o Mali oun o Moushi. Kalla hi lauter i menshe, kay van pal o Levi, hakeno an ko tsiro, kay yob djivas.

4. Mose 3:20

O Merari: leskre čave his o Mali oun o Moushi. Kova hi i menshe, kay venna pal o Levi peskre familyentsa.

Josua 21:6

Oun kol familye dran o kheer Gershon lan 13 (deesh-te-triin) forya. Kal forya his an i themma Issakar, Asser oun Naftali oun an ko paash them Manasse, hoy ap koy rig o panyestar Yordan hi, kay o kham pre djal.

Josua 21:8

Yaake dan i Israelitarya i Levitaryen kal forya oun phoub, kay lengre firhe nay rhan, yaake har i barra peran, oun yaake har o baro Devel kova o Moseske penas, te krenn le.