Josua 21:43 - O Debleskro Lab 2024 (Sinte-Manouche)

⁴³ Oun yaake das o baro Devel i Israelende o tselo them, har das lo pes glan lengre phourende sovel, te krell lo kova. Oun yon lan o them penge dren oun djivan koy.

O Debleskro Drom 2021 (Sinte)

⁴³ Un jaake das o baro Dewel i Israelende o tselo them, har das lo pes glan lengre phurende sowel, te krell lo kowa. Un jon lan o them penge dren un djiwan koi.

Josua 21:43 Iomraidhean Croise

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 13:15

Ko tselo them, hoy dikeh, kova dau tout oun tire čaven, kay pal toute venna. Ko them hi t'maro hako tsiro.

1. Mose 28:4

Koy barht oun koy zoor, hoy o Devel čivas ap o Abrahameste, mou vell ap toute oun ap tire menshende! Tou leh kava them, kay tou kanna i vi-themari hal – ko them, hoy o Devel o Abrahameste das.”

2. Familjakro liil 20:8

Oun yon djivan an kava them oun kran touke i kheer, te djivess kate oun vess kate an-mangedo. Yon penan:

Nehemia 9:24

Oun i čave van an ko them oun lan les dren. Oun tou kral len zorleder har i Kanaanitarya, kolla, kay an ko them djivan, oun dal lengre bare rayen oun ninna i menshen an lengro vast, oun yon nay kran lentsa, hoy yon kaman.

Nehemia 9:8

Oun har dikal, te rikrell lo pes ap toute peskro tselo djiyeha, kral tou leha vin oun dal tou tiro lab, te dess leskre čavende oun kolengre čavende, kay pal lende venn, ko them, kay djivenn i Kanaanitarya, oun i Hetarya, oun i Amorarya, oun i Perisarya, oun i Yebousarya, oun i Girgasharya. Oun tou rikral tiro lab. Tou hal tardo an o čačepen.

Debleskri gili 105:8

An kek tsiro bistrell lo peskri sovel, hoy lo mentsa dren djas. Peskro lab, hoy das lo, ačella yaake rah har menshe ap i phoub djivenna.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

Debleskri gili 78:55

Yob tradas i tsele vavar menshen glan lende vin, oun das lengro them peskre menshende, hakeneste kol deesh-te-douy bare familyendar das lo lengro kotar, te vell ko them lengro. An i plarhtene khera kol vavar menshendar moukas lo i Israelitaryen te djivell.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

4. Mose 33:53

Oun lenn ko them t'menge, oun djivenn kote dren. Kava them dom me t'mende, te lenn kova t'menge.

4. Mose 34:2

Pen ap kol Israelitarya: Djan an o them Kanaan! Ko them vell t'menge yek rigyatar ap i vavar: Kolla hi i rigya:

5. Mose 11:31

T'mer djan čačepah pral o Yordan, oun venn an ko them dren, te lenn les t'menge dren. Kava them das t'men t'maro baro Devel, te lenn les t'menge dren oun djivenn koy.

5. Mose 12:29

T'maro baro Devel tradell i vavar menshen glan t'mende vin dran o them, kay t'mer venna. Oun t'mer lenn lengro them t'menge dren oun djivenn kote.

5. Mose 17:14

Te venn t'mer an ko them, hoy dell t'men t'maro baro Devel, oun t'mer lenn les dren, oun djivenn koy dren, oun penenn palle: Mer kamah i ray pral mende, yaake har pash kol menshende an i vavar themma troul mende ninna hi,

5. Mose 34:4

Oun o baro Devel penas ap leste: “Kava hi o them, kolestar penom oun me man sovel dom glan o Abraham, o Isaak oun o Yakob, te dap kava them lengre čavende, kay pal lende venna. Me moukom les tout tire yakentsa te dikell. Pral vergel djas tou gar.”

Josua 1:6

Ab zoreles oun ma traash! Tou dess kal menshen pengro them, kay me man sovel dom glan lengre phourende, te dap len kova!

Josua 21:42

Oun hako fores his peskri phoub troul peste, kay i firhe nay rhan. Oun yaake his kova pash kol tsele forya.

Čačepangre 11:24

Hi gar yaake? Te tradals tiro Devel, o Kemosh, vavar menshen dran lengro them vin, lals tou palle gar kolengro them dren? Mouk men ko them dren te lell kolendar, kay maro baro Devel glan mende vin tradas!

1. Samuel 12:8

Har o Yakob an o them Egiptia vas, oun i Egiptarya t'mare phourenge o djipen phares kran, dan yon gole ap o baro Debleste, te vell lo ap lengri rig. Oun o baro Devel bičras o Moses oun o Arones. Oun yon anan t'mare phouren dran o them Egiptia vin, oun moukan len kate an kava them te djivell.