Josua 2:4 - O Debleskro Lab 2024 (Sinte-Manouche)

^4-6 Koy djouvel anas kol douy morshen pral pre ap o kheer oun khatras len tel flakstikre ranya, hoy kote čiddo his. Oun yoy penas ap kol bičepangre o baro rayestar: “Ava, douy morsha van pash mande. Me djinom gar, dran havo them yon venn. Oun ap i rat, gomme glan ko tsiro, kay o foreskre bare voudya pandlo venn, djan kol douy morsha pale vin. Me djinau gar, kay le djan. Kanna nashenn lenge sik palla! Palle taprenn len gomme!”

O Debleskro Drom 2021 (Sinte)

^4-6 Koi djuwel anas kol dui murshen pral pre ap o kheer un khatras len tel flachstikre ranja, hoi kote tchiddo his. Un joi penas ap kol bitchepangre o baro rajestar: “Awa, dui mursha wan pash mande. Me djinom gar, dran hawo them jon wenn. Un ap i rat, gomme glan ko tsiro, kai o foreskre bare wudja pandlo wenn, djan kol dui mursha pale win. Me djinau gar, kai le djan. Kanna nashenn lenge sik palla! Palle taprenn len gomme!”

Josua 2:4 Iomraidhean Croise

2. Rajengro liil 6:19

Oun o Elisa penas ap lende: “Kova hi gar ko drom oun gar ko foro. Djan mange pal! Me anau t'men pash ko morsheste, koles t'mer rodenna.” Oun yob anas len an Samaria.

2. Mose 1:19

Kol rhačede rhalya penan ap o Farao: “Kol hebretikre djouvya hi gar yaake har kol egiptikre djouvya, yon hi zorleder djouvya. Glan kova, kay mer vah, hi i čave boldo.”

Jakobo 2:25

Ninna koy loubni Rahab vas čačo oun erligo glan o Debleste, har yoy ko lačo koova kras. Yoy phoukras gar ap kol douy bičepangre dran Israel, kay van an lakro foro, te dikenn le, har zorelo o foro hi. Yoy khatras len, oun anas len ap i vavar drom dran ko foro vin.

Josua 2:3

Koy bičras lo morshen pash i Rahab oun moukas lake te penell: “De kol morshen vin, kay pash toute an tiro kheer van. Yon van te dikenn le, har zorelo maro them hi.”

Josua 6:17

Oun o foro oun halauter hoy dren hi, hi o baro Debleske. Kek mensho oun kek firho nay ačell djido. Kokres koy loubni Rahab ačell djido, yoy oun halauter, hoy pash late an o kheer hi. Yoy khatras kol morshen pash peste, kolen mer bičram.

Josua 6:25

Oun yaake moukas o Yosua koy loubni Rahab te djivell, ninna lakre menshen, oun halauter, hoy lat his. Kova kras yob doleske, kay khatras li kol morshen, kolen yob bičras, te dikenn le pen čorrhanes an o foro Yericho trouyel. Oun yoy djivas mank i Israelitarya. Oun kolla, kay pal late van, djivenn gomme kava dives kote.