Josua 2:3 - O Debleskro Lab 2024 (Sinte-Manouche)

³ Koy bičras lo morshen pash i Rahab oun moukas lake te penell: “De kol morshen vin, kay pash toute an tiro kheer van. Yon van te dikenn le, har zorelo maro them hi.”

O Debleskro Drom 2021 (Sinte)

³ Koi bitchras lo murshen pash i Rahab un mukas lake te penell: “De kol murshen win, kai pash tute an tiro kheer wan. Jon wan te dikenn le, har sorelo maro them hi.”

Josua 2:3 Iomraidhean Croise

1. Mose 38:24

Pal triin čon vas o Youdaeske penlo: “I Tamar, tiro čaveskri romni loubras pes trouyel, oun yoy hi an vavar koova.” Koy penas o Youda: “Anenn lat vin, te vell li pre rhačedo.”

1. Mose 42:31

Oun mer penam ap leste: Mer djah i čačo drom. Mer ham kek phoukepangre.

2. Samuel 10:3

penan kol pralstoune pral kol Ammonarya ap pengro rayeste, o Hanoun: “Patseh tou čačepah, kay bičras o David morshen, te sharenn le tiro dades glan tire yaka, oun te penenn le touke kamle laba pral leste? Patseh tou gar, kay yob doleske morshen pash toute bičras, te dikell yob pal, har zorelo maro foro hi, oun hoy koy glan djala, te lell lo les dren oun krell les paash?”

2. Samuel 17:20

Oun o Absalomeskre morsha van pash kol djouvyate an o kheer oun poučan latar: “Kay hi o Ahimaaz oun o Yonatan?” Penas li ap lende: “Yon djan doureder pash o pani.” Oun har kol morsha len rodan oun len gar hatsan, djan yon pale an o foro Yerusalem.

1. Familjakro liil 19:3

koy penan kol pralstoune pral kol Ammonarya ap o Hanoun: “Patseh tou čačepah, kay bičras o David morshen, te sharenn le tiro dades glan tire yaka, oun te penenn le touke kamle laba pral leste? Patseh tou gar, kay yob doleske morshen pash toute bičras, te dikenn le pal, har zorelo maro them hi, oun hoy koy glan djala, te lell lo les dren?”

Hiob 21:30

Ap ko dives, kay vell i bibarht, kay vell o Debleskri rholi pral i menshende, ačell o čilačo djido.

3. Mose 24:14

An ko morshes vin glan koy platsa, kay i menshe hi! Hakeno, kay shounas, hoy lo penas, kova čivell peskre vasta ap leskro shero. Palle vitsrenn i tsele menshe les moulo i barrentsa.

Johanni 19:4

Oun pale djas o Pilato pash i biboldende vin, oun penas ap lende: “Me anau les pash t'mende vin, te dikenn t'mer, kay hatsau kek doosh ap leste.”

Bičepangre 12:4

Har yon les tapran, vitsran le les an o stilepen. Oun o Herodes penas, te denn star kope star lourde yak ap leste. Star lourde dan i paash dives yak ap leste. Oun pal i paash dives dan vavar star lourde yak ap leste. Oun ninna yaake djas kova ratsyakro. Pal kol divessa, kay Passa kharenna, kamas o Herodes les glan i menshende te anell, te dell lo les glan lende i phagi.

Bičepangre 12:6

An i rat glan ko dives, kay kamas o Herodes les vin anell, te dell lo les i phagi, sovas o Petro mashkral douy lourdende. Yob his pandlo douy sasterne shellentsa, oun douy lourde dan yak glan o voudar.

Josua 10:23

Oun yon kran kova, oun anan kol panč rayen dran i grotta pash leste: O ray pral Yerusalem, o ray pral Hebron, o ray pral Yarmout, o ray pral Lakish oun o ray pral Eglon.

Josua 2:2

An kay rat vas o baro rayeske pral o foro Yericho penlo: “Shoun, an kaya rat van morsha kol menshendar Israel an o foro, te dikenn le čorrhanes, har zorelo maro them hi.”

Josua 2:4

Koy djouvel anas kol douy morshen pral pre ap o kheer oun khatras len tel flakstikre ranya, hoy kote čiddo his. Oun yoy penas ap kol bičepangre o baro rayestar: “Ava, douy morsha van pash mande. Me djinom gar, dran havo them yon venn. Oun ap i rat, gomme glan ko tsiro, kay o foreskre bare voudya pandlo venn, djan kol douy morsha pale vin. Me djinau gar, kay le djan. Kanna nashenn lenge sik palla! Palle taprenn len gomme!”

Čačepangre 4:20

Oun yob penas ap late: “Ač tardo pash o voudar glan o plarhteno kheer! Oun te vell yek, oun poučella: Hi yek kay? Palle pen: Na-a!”