Josua 2:1 - O Debleskro Lab 2024 (Sinte-Manouche)

¹ Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

O Debleskro Drom 2021 (Sinte)

¹ Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 2:1 Iomraidhean Croise

1. Mose 42:16

Bičrenn yekes t'mendar, te lell lo t'maro terneder phrales. T'mer vavar ačenn an o stilepen. Yaake dikau me, kay t'mare laba čačo hi. Pash o djipen o baro rayestar! Te rhorhran man, djinau, kay han phoukepangre.”

1. Mose 42:9

Oun kova, hoy yob lendar souni das, vas an leskro shero. Oun yob penas ap lende: “T'mer han phoukepangre oun kamenn te dikenn, har zorelo o them hi. Dran kova han t'mer kay.”

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

4. Mose 13:1

Oun o baro Devel rakras o Moseha oun penas:

4. Mose 13:2

“Biče morshen, te hatsenn le vin, har zorelo ko them Kanaan hi! Kava them kamau me i Israelitaryen te dell. Biče yek morshes dran haki bari familya, hoy vell kol deesh-te-douy Yakobeskre čavendar! Biče kolen, kay hi i pralstoune pral pengre menshende!”

4. Mose 25:1

Oun i Israelitaryen his pengre plarhtene khera pash o foro Shittim. Kote moukan pen i morsha dren kol čentsa dran o them Moab.

4. Mose 33:49

Kote an o telstouno them Moab čivan i Israelitarya pengre plarhtene khera pre pash o pani Yordan, mank Bet-Yeshimot oun Abel-Shittim.

Mateo 1:5

Koleskro čavo his o Boas. Koleskri day his i Rahab. O Boas las i čaves. Kova his o Obed. Koleskri day his i Ruth. O Obed las i čaves. Kova his o Isay.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

Hebrearja 11:31

Ninna i loubni Rahab patsas ap o Debleste, oun las kol morshen an lakro kheer dren, kolen o Mose bičras, te dikenn le, har zorelo o foro Yericho hi. Yaake vas i Rahab gar maredo khetne kol vavar menshentsa an ko foro, kay prindjran o Debles gar.

Jakobo 2:25

Ninna koy loubni Rahab vas čačo oun erligo glan o Debleste, har yoy ko lačo koova kras. Yoy phoukras gar ap kol douy bičepangre dran Israel, kay van an lakro foro, te dikenn le, har zorelo o foro hi. Yoy khatras len, oun anas len ap i vavar drom dran ko foro vin.

Josua 1:18

Oun hakeno, kay gar ap toute shounell, oun vitar gar ap kol tsele laba, hoy tou menge peneh, te kras mer, kova vell moulo dino! Tou, ab zoreles oun ma traash!”

Josua 2:2

An kay rat vas o baro rayeske pral o foro Yericho penlo: “Shoun, an kaya rat van morsha kol menshendar Israel an o foro, te dikenn le čorrhanes, har zorelo maro them hi.”

Josua 21:31

Helkat oun koy phoub troul o foro, kay i firhe nay rhan; Rehob oun koy phoub troul o foro, kay i firhe nay rhan.

Josua 3:1

Oun o vavar dives stas o Yosua oun i tsele Israelitarya sik pre, moukan i platsa Shittim pal pende, djan doureder oun van pash o pani Yordan. Kote ačan le i tikno tsiro, bis te nay djan le vergel.

Josua 5:10

Oun har i Israelitarya pengre plarhtene khera pre čivan pash Gilgal an o telstouno them, kay o foro Yericho čiddo hi, kote rhan le ap i rati ko rhapen, hoy kharella Passa. Kova his ap o deesh-te-starto dives an ko čon.

Čačepangre 1:23

Oun yon bičran čorrhanes morshen an o foro dren, te dikenn le pen dren trouyel. Ko foro kharas glan ko tsiro Louz.

Čačepangre 18:14

Oun kol panč morsha, kay dikan pen čorrhanes trouyel an o them pash Layish, kolla penan ap pengre phralende: “Djinenn t'mer, te hi an kava kheer i rashayeskri damdira oun i khereskro devel, ninna i kashteni figura, kay roup pral čoredo hi? Denn yak, hoy krenn kanna!”

Čačepangre 18:2

Oun i morsha dran o kheer Dan rodan panč morshen pengre menshendar vin, čače morshen dran i forya Zora oun Eshtaol, oun bičran len, te dikenn le pen an o tselo them trouyel oun rodenn, kay le nay ačens. Oun yon penan ap lende: “Djan koy, rodenn an o tselo them, kay nay ačah.” Oun yon van an i berge Efrayim an o kheer, kay o Mika djivell, oun yon ačan kote pral i rat.