Josua 18:8 - O Debleskro Lab 2024 (Sinte-Manouche)

⁸ Oun kol vi-rodede morsha kran pen ap o drom. Oun har le vin djan, penas o Yosua ap lende: “Djan an o tselo them trouyel, oun činenn les pre, oun palle venn pale pash mande! Oun kate an o foro Shilo vitsrau palle i barra glan o baro Debleste t'menge.”

O Debleskro Drom 2021 (Sinte)

⁸ Un kol wi-rodede mursha kran pen ap o drom. Un har le win djan, penas o Josua ap lende: “Djan an o tselo them trujel, un tchinenn les pre, un palle wenn pale pash mande! Un kate an o foro Shilo witsrau palle i barra glan o baro Debleste tumenge.”

Josua 18:8 Iomraidhean Croise

1. Mose 13:17

Dja trouyel an o tselo them! Tout dau ko tselo them.”

Jesaja 34:17

Oun yob das len ko them, hakenes peskro kotar; oun hakenes hi peskri platsa, kay lo khere hi, te djivenn yon oun pengre čave an ko them hako tsireske, yaake rah, har save lendar koy hi.

Remarja 14:19

Kanna kras lauter, te vell kek čingepen mank mende. Kras kova, hoy krell men lauter zoreles an o patsepen.

Josua 13:7

Kre kova kanna, te dess kolen dran i enya khera oun ko paash kol familyendar dran o kheer Manasse pengro kotar them, hoy lengro vell.

Josua 15:1

Oun i barra peran o khereske Youda yaake, te lan le ko kotar them, hoy djas bis pash o them Edom, bis an o moulo them Tsin, kote kay o kham pralstounes tardo hi.

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Josua 18:10

Oun o Yosua vitsras kol barra glan o baro Debleste an o foro Shilo. Oun yaake har i barra peran, das o Yosua i Israelende dran kol efta khera pengro them, haki bari familyake peskro kotar.

Josua 18:6

T'mer činenn an i liil, foun kay bis kay kol efta kotya them djana. Oun te kran kova, palle anenn mange, hoy pre činan! Oun me vitsrau glan maro baro Debleste i barra, hoy sikrenn, koon hoy lella.

Josua 18:9

Yaake djan kol morsha koy, oun djan an o tselo them trouyel, činan i tsele forya an i liil, oun kran efta kotya kava themestar. Oun palle van le pale pash o Yosua ap koy platsa, kay i Israelitarya his pash o foro Shilo.

1. Samuel 14:41

Oun o Saul penas ap o baro Debleste: “Tou Devel pral o Israel, hoske rakral kava dives gar mantsa, tiro boudepaskreha? Hi i doosh ap mande? Hi li ap miro čaveste Yonatan? Baro Devel, tou Devel pral o Israel, palle sike kova o barreha, hoy kharell momeli. Hi i doosh čiddo ap tire menshende Israel, palle sike kova o barreha, hoy kharell čačepen!” Koy sikran i barra, kay hi i doosh čiddo ap o Yonatan oun ap o Saul. I menshen Israel his kek doosh.