Josua 18:4 - O Debleskro Lab 2024 (Sinte-Manouche)

⁴ Rodenn t'menge triin morshen vin dran hakeno kol efta kherendar, kay pengro them gomme gar lan! Kolen bičrau me palle, te dikenn le pen trouyel an ko them, hoy t'mer gomme gar dren lan, oun činenn i forya oun kotya them an i liil, oun venn palle pash mande pale.

O Debleskro Drom 2021 (Sinte)

⁴ Rodenn tumenge triin murshen win dran hakeno kol efta kherendar, kai pengro them gomme gar lan! Kolen bitchrau me palle, te dikenn le pen trujel an ko them, hoi tumer gomme gar dren lan, un tchinenn i forja un kotja them an i liil, un wenn palle pash mande pale.

Josua 18:4 Iomraidhean Croise

Micha 2:5

An ko tsiro, kay lenn o baro Debleskre menshe pengro them pale, lenn t'mer kek kotar.

4. Mose 1:4

Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

4. Mose 13:2

“Biče morshen, te hatsenn le vin, har zorelo ko them Kanaan hi! Kava them kamau me i Israelitaryen te dell. Biče yek morshes dran haki bari familya, hoy vell kol deesh-te-douy Yakobeskre čavendar! Biče kolen, kay hi i pralstoune pral pengre menshende!”

Josua 18:3

Kote penas o Yosua ap i Israelitarya: “Har rah kamenn t'mer kate beshdo ačenn, oun djan gar vin, te lenn o them dren, hoy das t'men o baro Devel, kay o Devel t'mare phourendar hi?

Josua 18:5

Oun yon krenn efta kotya dran ko them, te lell hako kheer yek kotar. Oun o kheer Youda ačell ap peskro kotar them, hoy ap koy rig hi, kay o kham pralstounes tardo hi. Oun o kheer Yosef ačell ap peskro kotar them, kote, kay norden hi.

Josua 18:6

T'mer činenn an i liil, foun kay bis kay kol efta kotya them djana. Oun te kran kova, palle anenn mange, hoy pre činan! Oun me vitsrau glan maro baro Debleste i barra, hoy sikrenn, koon hoy lella.

Josua 18:9

Yaake djan kol morsha koy, oun djan an o tselo them trouyel, činan i tsele forya an i liil, oun kran efta kotya kava themestar. Oun palle van le pale pash o Yosua ap koy platsa, kay i Israelitarya his pash o foro Shilo.

Josua 3:12

Yaake sik, har čivenn i rashaya, kay hidjrenn ko morhton, pengre herya an o pani oun ačenn kote tardo, ačell o pani tardo. O pani, hoy nashell pral tele, ačell tardo har i kheer. Kanna lenn t'menge 12 (deesh-te-douy) morshen, yekes dran haki bari familya, hoy vell kol deesh-te-douy Israeleskre čavendar!”

Josua 4:2

“Lenn t'menge deesh-te-douy morshen – yekes dran haki bari familya, hoy vell kol deesh-te-douy Israeleskre čavendar,