Josua 18:3 - O Debleskro Lab 2024 (Sinte-Manouche)

³ Kote penas o Yosua ap i Israelitarya: “Har rah kamenn t'mer kate beshdo ačenn, oun djan gar vin, te lenn o them dren, hoy das t'men o baro Devel, kay o Devel t'mare phourendar hi?

O Debleskro Drom 2021 (Sinte)

³ Kote penas o Josua ap i Israelitarja: “Har rah kamenn tumer kate beshdo atchenn, un djan gar win, te lenn o them dren, hoi das tumen o baro Dewel, kai o Dewel tumare phurendar hi?

Josua 18:3 Iomraidhean Croise

Gosewe laba 10:4

Koon peskre vasta an i gali čiddo moukell, kova vell čorvelo. Koon boud boudrell, kova vell bravelo.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 15:19

O drom kolendar, kay kamenn gar te boudrell, hi pherdo soubyengre bourra. Kolenge, kay o čačepen krenn, hi kek barra an o drom čiddo.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Zefanja 3:16

An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!

Mateo 20:6

Har pančenge his, djas lo pale an ko foro, dikas pale vavaren koy trouyel tardo, oun penas ap lende: Hoske han t'mer koy tardo, oun boudrenn gar?

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Josua 1:6

Ab zoreles oun ma traash! Tou dess kal menshen pengro them, kay me man sovel dom glan lengre phourende, te dap len kova!

Josua 13:1

Oun o Yosua vas phouro. Les his i lengsto djipen. Kote penas o baro Devel ap leste. Tou val phouro, oun tout his i lengsto djipen. Oun koy hi gomme boud them, hoy gar dren lino hi:

Josua 18:2

his gomme i Israelitarya dran efta khera, kolenge pengro kotar them gomme gar dino vas.

Josua 18:4

Rodenn t'menge triin morshen vin dran hakeno kol efta kherendar, kay pengro them gomme gar lan! Kolen bičrau me palle, te dikenn le pen trouyel an ko them, hoy t'mer gomme gar dren lan, oun činenn i forya oun kotya them an i liil, oun venn palle pash mande pale.

Čačepangre 18:9

Oun yon penan: “Avenn! Djas pre te kouras men i menshentsa an Layish! Mer dikam ko them. Kova hi i lačo them. Hoske han gomme beshdo kay oun krenn či? Stenn pre, sik, te djas pre, oun las ko them dren!