Josua 18:19 - O Debleskro Lab 2024 (Sinte-Manouche)

¹⁹ oun doureder pash i berga, hoy ap i nordetikri rig o forestar Bet-Hogla čiddo hi, oun palle doureder bis pash o Londo Baro Pani, kote kay o Yordan dren nashell. Yaake dour djas o them kote, kay o kham pralstounes tardo hi.

O Debleskro Drom 2021 (Sinte)

¹⁹ un dureder pash i berga, hoi ap i nordetikri rig o forestar Bet-Hogla tchiddo hi, un palle dureder bis pash o Londo Baro Pani, kote kai o Jordan dren nashell. Jaake dur djas o them kote, kai o kham pralstunes tardo hi.

Josua 18:19 Iomraidhean Croise

1. Mose 14:3

Kol panč raya kran vin, te rikrenn yon khetne oun van an i tala Siddim. Kova hi kanna o Londo Baro Pani.

1. Mose 19:25

Yaake rhačras yob kol forya oun ko tselo them pash o pani Yordan. I tsele menshe an kol forya oun o tselo zenlepen ap ko them vas rhačedo.

Jesaja 11:15

Oun o baro Devel moukell i kotar o baro panyestar pash o them Egiptia trouk te vell. Oun leskro vast moukell i zorelo tato dourho pral o pani Eufrat te djal, te ačenn lestar kokres efta tikne panya pral, hoy nashenn, yaake te nay djan le pengre kirrhentsa koy vergel.

4. Mose 34:3

Ap i čači rig djal t'maro them bis pash o moulo them Tsin oun bis pash o them Edom. I čači rig djal foun o Londo Baro Pani, kotar, kay o kham pre djal,

5. Mose 3:17

Ap i rig, kay o kham tele djal, djal o them bis pash o lengsto pani Yordan, oun kote foun o pani Génésareth bis pash o Londo Baro Pani, oun bis tella pash i berga Pisga, kote kay o kham pre djal.

Josua 12:3

O Sihon his ninna o ray pral o them, hoy ap koy rig o panyestar Yordan čiddo hi, kay o kham pre djal, foun o pani Génésareth bis pash o Londo Baro Pani, kay o drom pash o foro Bet-Yeshimot djal oun doureder kote, kay o kham pralstounes tardo hi, bis tele pash koy berga, hoy kharell Pisga.

Josua 15:2

Ap koy rig, kay o kham pralstounes tardo hi, sikras i drom, har dour o them djas. Ko drom djas foun o Londo Baro Pani – foun leskro palstouno kotar kote, kay o kham pralstounes tardo hi –

Josua 18:18

Oun foun kotar djas o drom bis pash i berga, kay ap i nordetikri rig foun koy tala hi, kay o pani Yordan nashell. Oun palle djas lo tele an kay tala,

Josua 18:20

Ap koy rig, kay o kham pre djal, djas o them bis pash o pani Yordan. Oun kava his ko kotar them, hoy lan i familye dran o kheer Benyamin.

Josua 3:16

ačas o pani, hoy pralstounes lendar his, tardo har i kheer dour pral pash o foro Adam, hoy pash Zaretan čiddo hi. Oun ko pani, hoy telstounes lendar his oun tele an o Londo Baro Pani nashell, kova nashas bouder gar pal oun djas krik. Oun yaake nay djan i tsele menshe ap i vavar rig, pash ko foro Yericho.