Josua 18:16 - O Debleskro Lab 2024 (Sinte-Manouche)

¹⁶ Oun kotar djas o drom tele glan i berga, hoy hadell pes glan i tala Hinnom. Kay berga hi čiddo ap i nordetikri rig ko telstouno themestar, hoy kharell Refayim. Palle djas o drom tele an i tala Hinnom oun doureder an i tala langs koy berga, kay ko foro čiddo hi, kay i Yebousarya djivan, ap koy rig i bergatar, kay o kham pralstounes hi. Foun kotar djal lo tele bis pash o pani En-Rogel,

O Debleskro Drom 2021 (Sinte)

¹⁶ Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,

Josua 18:16 Iomraidhean Croise

2. Samuel 17:17

O Yonatan oun o Ahimaaz his tardo pash o pani, hoy kharell Rogel. Yon nay moukan pen gar an o foro te dikell. Oun i boudepaskretsa vas pash lende oun penas lenge, hoy yon hounte penenn o Davideske.

2. Samuel 5:18

Oun i Filistarya van, oun his an koy tseli tala Refayim.

1. Rajengro liil 1:9

Oun o Adoniya kras i baro rhapen pash o bar, hoy kharell Sohelet pash o pani Rogel. Oun anas bakren oun groumyen oun thoulle terne groumyen o Debleske, [te venn leske kol feteder kotya mass rhačedo, oun te rhan le ko vavar mass.] Oun peskre phralenge, o baro rayeskre vavar čavenge, moukas lo te penell, te venn le pash o rhapen. Ninna i tsele vavar morshenge dran Youda, kay boudran an o baro rayeskro kheer, moukas lo te vell.

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

1. Familjakro liil 14:9

Oun i Filistarya van, oun his an koy tseli tala Refayim.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

2. Familjakro liil 33:6

Oun yob moukas peskre čaven an i yag te djal an i tala Ben-Hinnom, oun shounas ap čirklengre golya oun vavar sikepen, oun kras dourkepen oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jeremia 19:11

Pen ap lende: Kova penell o baro Devel, ko ray pral o bolepen oun i phoub: Me dau paash kal menshen oun kava foro, har deh zoryah i khoro yaake paash, kay nay kreh kova gar bouder tselo. Oun i menshe paskrenn i moulen ap i platsa Tofet, – kek vavar platsa hi lenge koy.

Jeremia 19:2

Oun dja vin an koy tala Ben-Hinnom, kay glan ko foreskro voudar hi, kay i paash-dine pirya čiddo hi. Oun pen i menshenge kol laba, hoy me touke penau.

Jeremia 19:6

Doleske vell i tsiro, kay penenn yon ap kay platsa gar bouder Tofet oun tala Hinnom. Yon penenn koy pre marepaskri platsa.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Josua 15:63

I morsha dran o kheer Youda nay tradan i Yebousaryen gar vin dran o foro Yerusalem. Doleske djivenn yon kote khetne i menshentsa dran o kheer Youda bis ap kava dives.

Josua 18:28

Zela, Elef, oun ko foro, kay djivan i Yebousarya, hoy hi kanna Yerusalem, ninna i forya Gibea oun Kiryat-Yearim. Kolla hi khetne 14 (deesh-te-star) forya oun lengre gaba. Kava hi o them, hoy lan i familye dran o kheer Benyamin.

Čačepangre 1:21

An o foro Yerusalem djivan i Yebousarya. Oun i morsha dran o kheer Benyamin tradan len gar vin. Yaake ačan i Yebousarya pash i Benyaminarya an o foro Yerusalem, oun djivenn gomme kava dives koy khetne.

Čačepangre 1:8

Oun i morsha dran o kheer Youda maran pen ko foreha Yerusalem oun lan les dren. Oun yon dan kolen o rhareha temerl, kay kote djivan, oun rhačran o foro pre.

Čačepangre 19:10

Ko morsh kamas gar bouder pral i rat te ačell, oun hadas pes oun djas peske. Oun yob vas bis pash o foro Yebous. Kova hi Yerusalem. Oun les his kol douy esle pash peste, ap kolende lengro koova his, oun peskri djouvel oun peskro boudepaskro.