Josua 18:10 - O Debleskro Lab 2024 (Sinte-Manouche)

¹⁰ Oun o Yosua vitsras kol barra glan o baro Debleste an o foro Shilo. Oun yaake har i barra peran, das o Yosua i Israelende dran kol efta khera pengro them, haki bari familyake peskro kotar.

O Debleskro Drom 2021 (Sinte)

¹⁰ Un o Josua witsras kol barra glan o baro Debleste an o foro Shilo. Un jaake har i barra peran, das o Josua i Israelende dran kol efta khera pengro them, haki bari familjake peskro kotar.

Josua 18:10 Iomraidhean Croise

1. Familjakro liil 24:5

An kol douy khera his pralstoune pral o Debleskro kheer oun rashaya. Oun yon vitsran barra, te dikenn le, havi boudi hakeno hounte krella.

Nehemia 11:1

Oun i pralstoune pral i Israelitarya djivan an o foro Yerusalem. Oun i tsele vavar familye vitsran kashta, te rodenn le yek familya dran deesh vin. Oun kolla te djan ninna an o Debleskro foro Yerusalem, te djivenn le koy. Oun kol enya vavar familye ačan an i vavar gaba oun forya.

Debleskri gili 47:4

Yob vitsras menge i menshen dran vavar themma tel mare pire, oun čivas men pral lende.

Debleskri gili 61:5

Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya.

Gosewe laba 18:18

Te čingrenn pen douy zorele, oun tikne kashta venn vitsedo, te vell diklo, kones čačo hi, djal o čingepen krik, oun yon moukenn pendar tele.

Jeremia 7:12

Djan pash ko foro Shilo, kay glan rah tsiro miro kheer tardo his. Oun dikenn, hoy me kote krom doleske, kay mire menshe Israel čilačepen kran.

Ezekiel 47:22

Kava them hi t'mare familyenge, oun vell o dadestar ap o čaveste doureder dino. Te vitsrenn t'mer kashta, hoy sikrenn, koon havo kotar them lella, palle bistrenn gar kol vi-themaryen, kay mank t'mende djivenn, oun kolenge pash t'mende čave boldo van! Yon hounte venn t'menge har yek foun t'mendar Israelitarya. Oun khetne t'mentsa lenn le pengro kotar them, oun kova ačell an lengre familye.

Ezekiel 48:29

Kava hi o them, hoy denn t'mer i bare familyenge, kay venna kol 12 (deesh-te-douy) čavendar o Yakobestar, te lell hakeni peskro kotar them. Kava them hi hako tsireske i Israelenge, oun vell o dadestar ap o čaveste doureder dino. Kava penell o baro Devel, maro ray.

Micha 2:5

An ko tsiro, kay lenn o baro Debleskre menshe pengro them pale, lenn t'mer kek kotar.

4. Mose 34:16

Oun o baro Devel rakras o Moseha oun penas:

Mateo 27:35

Oun yon dan les ap o troushel. Oun palle khelan le pral leskre koola, te dikenn le, hoy hakeno lella.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Bičepangre 13:19

Palle tradas yob efta natsyone dran ko them Kanaan vin, oun das kava them mare menshende.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Kolossarja 1:12

Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.

Josua 14:2

Yaake har o baro Devel kova o Moseske penas, vitsran le barra, hoy sikrenn, havo them hakeno kol enya-te-paash bare khera lella.

Josua 14:5

Oun yaake har o baro Devel ap o Mose penas, te krenn le, yaake kran i Israelitarya oun dan o them vin.

Josua 18:11

Oun i barra peran o Benyamineske oun leskre familyenge. Oun yon lan o them mashkral o them Youda oun o them, hoy o Yosefeskre čave lan.

Josua 18:6

T'mer činenn an i liil, foun kay bis kay kol efta kotya them djana. Oun te kran kova, palle anenn mange, hoy pre činan! Oun me vitsrau glan maro baro Debleste i barra, hoy sikrenn, koon hoy lella.

Josua 18:8

Oun kol vi-rodede morsha kran pen ap o drom. Oun har le vin djan, penas o Yosua ap lende: “Djan an o tselo them trouyel, oun činenn les pre, oun palle venn pale pash mande! Oun kate an o foro Shilo vitsrau palle i barra glan o baro Debleste t'menge.”

Josua 18:9

Yaake djan kol morsha koy, oun djan an o tselo them trouyel, činan i tsele forya an i liil, oun kran efta kotya kava themestar. Oun palle van le pale pash o Yosua ap koy platsa, kay i Israelitarya his pash o foro Shilo.

Josua 19:51

Oun yaake dan o rashay Elazar oun o Yosua, koleskro dad o Noun his, khetne kol pralstunentsa pral kol 12 (deesh-te-douy) bare familye hakeneste peskro them, yaake har i barra sikran, hoy le vitsran. Kova vas kerdo, har his le khetne glan o baro Debleste, glan o voudar leskro plarhteno kherestar an o foro Shilo. Oun yaake las kote hakeno peskro kotar them.

Josua 23:4

Dikenn, me dom t'men ko tselo them mank o pani Yordan oun ko Baro Pani, hoy kote čiddo hi, kay o kham tele djal. Yaake har i barra peran, dom t'mare deesh-te-douy bare familyen lengro kotar them, ninna ko them, kolengre menshe gomme gar vin tradedo hi.