Josua 18:1 - O Debleskro Lab 2024 (Sinte-Manouche)

¹ Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

O Debleskro Drom 2021 (Sinte)

¹ Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,

Josua 18:1 Iomraidhean Croise

2. Samuel 7:6

Me djivom an kek kheer, foun ko dives, kay me kol Israelitaryen vin anom dran o them Egiptia bis kay dives. Man his či har i plarhteno kheer har djom lentsa trouyel. An ko tselo tsiro penom me kekeske, kay das garda ap mire menshende Israel: Hoske kreh tou mange kek kheer dran cedertikro kasht?

1. Rajengro liil 14:2

Kote penas o Yerobeam ap peskri romyate: “Rib touke vavar ripya pral, te dikell kek, te hal tou miri romni. Oun dja an o foro Shilo! Kote hi o Ahia, ko Debleskro rakepaskro. Kova penas mange, te vap o ray pral o them Israel.

1. Rajengro liil 14:4

Oun leskri romni kras kova, oun kras pes ap o drom, oun djas an o foro Shilo, oun vas an ko kheer, kay o Ahia djivell. O Ahia his yaake phouro, te nay dikas lo bouder gar.

1. Rajengro liil 2:27

Yaake bičras o Salomo o Abyatares khere, te ačell yob bouder gar rashay glan o baro Debleste. Yaake vas ko lab o baro Deblestar čačepen, hoy yob penas pral o kheer o rashayestar Eli, kova, kay djivas an o foro Shilo.

Nehemia 9:24

Oun i čave van an ko them oun lan les dren. Oun tou kral len zorleder har i Kanaanitarya, kolla, kay an ko them djivan, oun dal lengre bare rayen oun ninna i menshen an lengro vast, oun yon nay kran lentsa, hoy yon kaman.

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

Debleskri gili 78:66

Oun yob das kolen, kay kouran pen peskre menshentsa oun tradas len pale. Lengri ladj ačas hako tsireske ap lende.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 26:9

Hoske peneh tou glan-vi an o baro Debleskro lab: Kava khereske djal har koleske an Shilo? Hoske peneh, kay kava foro vell yaake paash dino, te djivell bouder kek koy dren?” Oun i tsele menshe van troul leste an o baro Debleskro kheer.

Jeremia 41:5

van orhta-deesh morsha dran i forya Sichem, Shilo oun Samaria. Lengre čora his tele činle, oun lengre ripya paash, oun yon činan pen ap pende kokres, te sikrenn le kay lenge ropaske hi. Oun yon hidjran rhapen pash pende o baro Debleske, oun soungepaskro koova, te anenn le kova an o baro Debleskro kheer.

4. Mose 32:22

oun bis te hi lo o ray pral ko them. Koy pal nay djan t'mer pale pale, oun kek doosh lan t'mer ap t'mende glan o baro Debleste oun glan Israel. Oun o them ap kay rig kate vell t'mende dino glan o baro Debleste.

Bičepangre 7:45

Mare phoure hidjran kava kheer lentsa, bis te anas len o Yosua an o them Kanaan. Kote djivan vavar menshe, kay o Debles gar prindjrenna. Kolen tradas o Devel vin, oun das ko them mare phourende. O Debleskro tikno kheer dran firhengre balla ačas an o them Kanaan oun his gomme koy, har o David o baro ray vas.

Josua 18:2

his gomme i Israelitarya dran efta khera, kolenge pengro kotar them gomme gar dino vas.

Josua 18:8

Oun kol vi-rodede morsha kran pen ap o drom. Oun har le vin djan, penas o Yosua ap lende: “Djan an o tselo them trouyel, oun činenn les pre, oun palle venn pale pash mande! Oun kate an o foro Shilo vitsrau palle i barra glan o baro Debleste t'menge.”

Josua 19:51

Oun yaake dan o rashay Elazar oun o Yosua, koleskro dad o Noun his, khetne kol pralstunentsa pral kol 12 (deesh-te-douy) bare familye hakeneste peskro them, yaake har i barra sikran, hoy le vitsran. Kova vas kerdo, har his le khetne glan o baro Debleste, glan o voudar leskro plarhteno kherestar an o foro Shilo. Oun yaake las kote hakeno peskro kotar them.

Josua 21:2

Oun penan ap lende an o foro Shilo an o them Kanaan: “O baro Devel penas o Moseske, te denn t'mer men forya, kay djivas, oun kotya phoub, kay mare firhe nay rhan.”

Josua 22:12

Oun har le kova shounan, van le halauter khetne an o foro Shilo, te djan le vin, te kourenn le pen lentsa.

Josua 22:19

Te hi t'maro them t'menge pale-čiddo, palle avenn vergel, oun lenn t'maro kotar them pash mende an o them o baro Deblestar, kay leskro kheer tardo hi! Kote hi maro baro Debleskri rhačepaskri tardo. Ma krenn i vavar altaro! Koleha hadans t'men pral o baro Debleste oun ninna pral mende.

Josua 22:9

Kote djan i morsha dran i familya Ruben oun dran i familya Gad oun dran i paash familya Manasse penge pengre phralendar, kol vavar Israelitaryen. An o foro Shilo, hoy an o them Kanaan čiddo hi, kran le pen ap o drom, te djan le khere an o them Gilead. Kote his ko kotar them, hoy lenge dino vas, te vell lo lengro, yaake har o baro Devel ap o Moseste penas.

Čačepangre 18:31

Yon čivan koy figura, hoy o Mika kras, pash pende pre yaake rah, har o Debleskro kheer an o foro Shilo his.

Čačepangre 21:12

Oun yon hatsan mank kolende, kay an o foro Yabesh an o them Gilead djivan, 400 (star-sheel) ča, kolen gomme kek morsh an-tapras. Oun kolen anan le ap i platsa an o foro Shilo, hoy an o them Kanaan čiddo hi.

Čačepangre 21:19

Oun yon penan penge: “Hako bersh hi i baro rhapen an o foro Shilo, kay venn i menshe khetne te sharenn le o baro Debles.” [Shilo hi čiddo ap i servi rig o forestar Betel, oun ap i čači rig o forestar Lebona, pash ko drom, kay djal dran Betel an o foro Sichem, ap koy rig ko dromestar, kay o kham pre djal.]

1. Samuel 1:24

Oun har yob phouro doha his, las li les peha, oun djas leha pre an o foro Shilo. Oun las koy pashel yek triin-bershengro gouroum oun deesh kilogramme yarro oun yek ledertikro gono pherdi mool, oun anas kova pash o baro Debleskro kheer. O čavo his gomme terno.

1. Samuel 1:3

Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.