Josua 17:16 - O Debleskro Lab 2024 (Sinte-Manouche)

¹⁶ I morsha dran o kheer Yosef penan: “I berge hi gar bares doha menge. Oun kol Kanaanitarya, kay djivenn tele an o telstouno them, an o foro Bet-Shean oun an kol gaba trouyel, ninna an o telstouno them Yesreel, len hi sasterne kourepangre vourdya.”

O Debleskro Drom 2021 (Sinte)

¹⁶ I mursha dran o kheer Josef penan: “I berge hi gar bares doha menge. Un kol Kanaanitarja, kai djiwenn tele an o telstuno them, an o foro Bet-Shean un an kol gaba trujel, ninna an o telstuno them Jesreel, len hi sasterne kurepangre wurdja.”

Josua 17:16 Iomraidhean Croise

1. Rajengro liil 18:45

Oun yaake vas: Sik vas o bolepen kalo, i zorelo dourho tradas kale volke pash lende, oun palle vas i baro brishin. Oun o Ahab beshas ap peskro vourdin oun ouleras tele an o foro Yesreel.

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

1. Rajengro liil 21:1

Pal i tsiro djas kova: O baro rayes Ahab dran Samaria his i kheer an o foro Yesreel. Koy pashel his i drakengro them. Kova his i morshes dran Yesreel. Yob kharas Nabot.

1. Rajengro liil 21:23

Ninna pral i Isebel rakras o baro Devel oun penas: I djoukle mou te rhan i Isebel pash i massouri, hoy troul Yesreel hi.

1. Rajengro liil 4:12

O Baana, koleskro dad o Ahiloud hi, yob his o pralstouno pral i forya Taanak oun Megiddo, oun pral o tselo them pash o foro Bet-Shean – ko foro his pash o foro Zaretan čiddo, tel o foro Yesreel, mank o foro Bet-Shean oun o foro Abel-Mehola, bis pal o foro Yokneam.

2. Rajengro liil 9:10

Oun i Isebel, i djoukle rhan lat pre ap ko kotar them pash Yesreel oun kek hounte paskrell lat.” Oun har yob kova penas, kras lo o voudar pre oun nashas peske.

2. Rajengro liil 9:37

Oun yoy vell har firhengro foul ap o them pash Yesreel. Kek penell nay bouder: Kova hi i Isebel.”

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Josua 15:56

Yesreel, Yokdeam, Zanoa,

Josua 17:11

An kol douy themma Asser oun Issakar his forya čiddo, kolla van o Manasseske dino. Kal forya his: Bet-Shean, Yibleam oun Dor, hoy kharell ninna Nafot-Dor; palle En-Dor, Taanak oun Megiddo. Koy pashel his kol gaba, hoy his troul kal forya čiddo.

Josua 17:15

Kote penas o Yosua ap lende: “Te han t'mer yaake boud menshe, te hi kol berge Efrayim gar bares doha t'menge, palle djan pre an o veesh an o them, kay i Perisarya oun i Refayarya djivenn, oun denn kote kol rouka trouyel, te vell t'men boudeder them.”

Josua 17:17

Kote penas o Yosua ap kolende dran i khera Efrayim oun Manasse: “T'mer han boud menshe, oun doleske, kay yaake zorelo han, vell t'men boudeder har ko kotar them, hoy t'men kanna hi.

Josua 17:18

Kol berge, kay o veesh hi, venn t'menge, yaake dour har o veesh hi. T'mer nay denn i rouka tele, oun nay djivenn koy. Oun ninna i Kanaanitaryen nay tradenn vin dran o them. T'mer venn zorleder har yon, ninna te hi len sasterne kourepangre vourdya.”

Josua 19:18

An lengro them his kol forya: Yesreel, Kessoulot, Shounem,

Čačepangre 1:19

O baro Devel his i morshentsa dran Youda. Doleske las o Youda o pralstouno them dren. Kolla, kay an o telstouno them djivan, len his sasterne vourdya o kourepaske. Doleske nay tradan le len gar vin.

Čačepangre 4:13

Kote moukas o Sisera peskre tsele vourdya khetne gole te dell, 900 (enya-sheel) sasterne vourdya o kourepaske, oun peskre tsele lourden, hoy pash leste hi, oun djas lentsa dran o foro Haroshet-Goyim pash ko tikno pani, hoy kharella Kishon.

Čačepangre 4:3

O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.

Čačepangre 6:33

Oun i tsele Midianarya oun i tsele Amalekarya oun kolla, kay van kotar, kay o kham pre djala, van khetne oun djan vergel o pani Yordan oun čivan pengre plarhtene khera pre an o telstouno them Yesreel.

1. Samuel 29:1

I Filistarya lan pengre lourden khetne pash o foro Afek. Oun o Israelengre lourde čivan pengre plarhtene khera pre pash o tikno lengsto pani glan o foro Yesreel.